Qazaqstan týrısterge barýǵa usynylatyn elder tizimine endi

Amerıkanyń beldi The New York Times basylymy 2017 jyly týrısterge barýǵa usynylatyn 52 memlekettiń tizimin usyndy, onyń 26-ynshy ornyna Qazaqstan ornalastyryldy, dep habarlaıdy QazAqparat. Qazaq eliniń tizimge enýine bıyl Astanada EKSPO Halyqaralyq kórmesiniń ótýi yqpal etken. Qazaqstan týraly bergen málimettiń taqyrybyn basylym «Munaıly memleketten eko-baǵytqa» dep ataǵan. Astanada qonaqúılerdiń boı kóterý qarqynyn atap ótken gazet, elorda energetıka salasyndaǵy keleshek máselelerdi sheshý maqsatynda aǵymdaǵy jyly «World Expo 2017» -ni ótkizýge daıyndyq ústinde ekendigin jazady. Sonymen qatar, IýNESKO-nyń Dúnıejúzilik muralar tizimine engen Qazaqstannyń Tıan-Shan taýlary da aıtylǵan. Basylym týrısterge barýdy usynǵan 52 melekettiń alǵashqy ornynda Kanada, Chılı, Úndistan, Shveısarııa, Bostvana, Horvatııa, AQSh, Germanııa, Meksıka elderi ornalasqan. Basylym osy elderde 2017 jyly bolatyn qyzyqty ári mańyzdy oqıǵalar, sondaı-aq kórýge turarlyq tabıǵı kórikti oryndar jóninde málimetter bergen.