Astanada Saryarqa aýdany ákiminiń orynbasary ustaldy

Astana qalasy Saryarqa aýdany ákiminiń orynbasary R.Akchýrın ustaldy, dep habarlaıdy QazAqparat. «R.Akchýrın Astana qalasy ákimdigine qarasty «Astana Tazalyq» JShS-nyń bas dırektory A.Basqanbaevpen qylmystyq ymyraǵa kele otyryp, «SBS-Snab-Servıs» jáne «Install Service Com» jaýapkershiligi shekteýli seriktesterin qurǵan jáne 2016 jyly 1,8 mlrd. teńge somaǵa  kósheni tazalaý jáne sanıtarlyq tazartýǵa arnalǵan memlekettik satyp alýlar konkýrsyn jeńip alýlaryn zańsyz qamtamasyz etiip, zańsyz tabys alǵandyǵy anyqtaldy», - delingen Qazaqstannyń Ulttyq jemqorlyqqa qarsy is-qımyl bıýrosy taratqan aqparatta. Sonymen qatar ol ózine baǵynyshty kompanııalardyń múddesine saı sheshim shyǵaryp alý úshin ákimdiktiń laýazymdy tulǵalaryna birneshe márte para bergen. Qazirgi ýaqytta R.Akchýrın  QR QIK 128-babyna sáıkes Astana qalalyq IID-niń ýaqytsha oqshaýlaǵyshyna qamaldy. Sotqa deıingi tergeý amaldary júrgizilýde. Osy oqıǵaǵa baılanysty atalǵan aýdan ákimi Arman Turlybek Astanadaǵy Saryarqa aýdany ákiminiń orynbasary ákimdikte kóp jyldan beri qyzmet etkenin aıtty. "Bul jaǵdaı jaıly qazir ǵana bildim. Ázirshe mán-jaıyn aıta almaımyn, sebebi bilmeımin. Bul adam ákimdikte kóp jyldan beri qyzmette, osyny ǵana aıta alamyn", - dedi orynbasarynyń ustalýyna qatysty Arman Turlybek.