Bıyl 10 maýsym jáne 10 qyrkúıek aralyǵynda Astana qalasynda ótetin halyqaralyq «EKSPO-2017» kórmesi 2017 jylǵy Qazaqstandaǵy negizgi oqıǵaǵa aınalady. Osyǵan oraı, búgin QR Ulttyq akademııalyq kitaphanada «Astana EXPO-2017 – «BOLAShAQTYŃ QÝATY» taqyrybynda mazmundy kitap kórmesi ashyldy.
Kórmeniń ashylý saltanatyna jazýshy, fılologııa ǵylymdarynyń doktory, professor Tursyn Jurtbaı, fılologııa ǵylymdarynyń doktory, professor Rahymjan Turysbekov, belgili aqyn Bahytjan Tobaıaqov, QR Ulttyq akademııalyq kitaphanasy basshysynyń orynbasary Álııa Qojabekova jáne «EKSPO-2017» kórmesi bılet operatorynyń resmı ókili Vıtalıı Lıý qatysty.
Kórmeniń maqsaty – Qazaqstan Táýelsizdiginiń asa baı tarıhyn ashyp sıpattaý, sol shejiredegi halyqaralyq «EKSPO-2017» kórmesin jarqyn betterge aınaldyrýǵa úndeý, elorda qonaqtary men kitaphana oqyrmandaryn EKSPO tarıhymen tanystyrý; «EKSPO-2017» kórmesi qarsańynda QR Ulttyq akademııalyq kitaphanasynyń jobalary men Astanadaǵy «EKSPO-2017» kórmesin ótkizý týraly áńgimeleý.
Kórme kelesideı tórt bólimnen turady: «EKSPO tarıhy», «Astana EKSPO-2017», «Qazaqstan», «Bolashaqtyń qýaty». Sórelerge 400-den asa kitap qoıylǵan, Olardyń arasynda «Londonnan Astanaǵa deıin halyqaralyq kórme tarıhy» atty Búkilálemdik kórmeler tarıhy týraly úsh tomdyq kitap bar. Birinshi tom 1851-1933 jyldardy, ekinshisi – 1935-1968 jj., úshinshisi – 1970-2017 jyldar aralyǵyn qamtyǵan.
Kórmeniń mýzykalyq bóliminde kitaphana mamany Bekzat Smaǵulovtyń oryndaýynda eki án shyrqaldy. Birinshisi – halyq áni «Balqadısha». Eskeretin jaıt, 1925 jyly Parıj qalasynda ótken EKSPO kórmesinde osy ándi Ámire Qashaýbaev oryndaǵan eken. Ekinshi oryndalǵany – «Meniń elim», bul ánniń sózin Qazaqstan Respýblıkasynyń Prezıdenti N.Á. Nazarbaev, mýzykasyn Bekbolat Tileýhan jazǵan.
Kitap ekspozısııasynyń ashylýy oqyrmandar men sheteldik qonaqtardyń Qazaqstan, EKSPO týraly bilimderin tereńdetýge, qazaqstandyqtardyń elimizde ótkizilip jatqan oqıǵalarǵa belsendi qatysýyna, qazaqstandyq patrıotızmge tárbıeleýge jáne óz eline degen maqtanysh sezimderin oıatýǵa septesedi.
EKSPO qonaqtaryn qazaqtyń jazba tarıhymen jáne Kitaptarmen tanystyrý maqsatynda 2014 jyly QR Ulttyq akademııalyq kitaphanasynda Kitap murajaıy ashyldy. 2016 jyly Kitaphanada «Qazaqstan Respýblıkasynyń 2017 jyly atalyp ótiletin jáne eske alynatyn kúntizbesi» shyǵaryldy. Kúntizbede erekshe oryn EKSPO-2017 kórmesine berilgen. Bul eńbekte san alýan materıaldar, sonymen qatar Búkilálemdik kórmeler tarıhy, EKSPO-nyń negizgi hronologııasy, EKSPO-nyń shyǵý tarıhy jáne «Astana. EKSPO-2017 «Bolashaqtyń qýaty» boıynsha aqparattar berilgen. Búginde kitaphanada Sırek kitaptar men qoljazbalar ortalyǵyn qurý jumystary júrgizilýde, jańa ortalyq EKSPO qonaqtaryn qazaqtyń jáne álemniń basqa da halyqtarynyń tarıhı-mádenı salt-dástúrleri týraly qundy aqparattardan turatyn tarıhı-ǵylymı mańyzy erekshe kitap eskertkishterimen tanys etedi.
