Avstrııalyq ınvestorlar OQO-da kásiporyn ashýǵa nıetti

Ońtústik Qazaqstan  oblysynyń ákimi Janseıit Túımebaev Qazaqstan Respýblıkasynyń Karıntııadaǵy (Avstrııa) Qurmetti konsýly Peter Sandrıssermen jáne «Asmed» JShS-i basshylyǵymen kezdesti, dep habarlaıdy OQO ákimdiginiń baspasóz qyzmeti. Kezdesý barysynda taraptar Ońtústik Qazaqstan oblysy men Avstrııanyń jáne onyń óńirleriniń qarym-qatynastaryn arttyrý múmkindikteri men týrızm, sport, eksklıýzıvti konaq úılerdi jáne turǵyn úı kesheni jobalaryn damytý, ındýstrııa salasynda birlesken kásiporyndar qurý, tehnologııalardy jetildirý, bilim berý, energetıka, ınfraqurylym, aýylsharýashylyǵy salalaryn damytý jaıynda áńgimelesti. Otyrysta oblys basshysy J.Túımebaev iskerlik jáne ınvestısııalyq ahýaldy arttyrý úshin óńirimizde atqarylyp jatqan júıeli jumystarǵa toqtalyp, sheteldik ınvestorlar úshin tıimdilik pen jeńildikterdi tilge tıek etti. «Ákimshilik kedergilerdi azaıtyp, ınvestorlarǵa qajetti málimetterdiń qoljetimdiligin arttyrýdamyz.Bir ǵana Shymkentte úsh ındýstrıaldy jáne bir ekonomıkalyq aımaq bar. Bizge kelgen ınvestorlarǵa qujattaryn rettestirip, óndiris orny ornalasqan jerge ınfraqurylymyn júrgizip beremiz»,-dedi oblys basshysy Janseıit Qanseıituly. Sonymen birge, óńir basshysy aımaǵymyzǵa arnaıy kelgen qurmetti qonaq P.Sandrısserge Ońtústik Qazaqstan oblysy men Avstrııa Respýblıkasynyń Karıntııa aımaǵynyń arasynda túzilgen deklarasııaǵa qosqan aıryqsha úlesi úshin alǵysyn aıtty. Qos memlekettiń baýyrlastyq qatynastaryn nyǵaıtý úshin arnaıy memorandým túzýge bizdiń tarap daıyn ekenin jetkizdi. О́z kezeginde mártebeli meıman Ońtústik Qazaqstan oblysy týraly oń lebizi men  óńirimizdiń ekonomıkalyq damýyna erekshe senimin  bildirdi. Eske sala ketsek, 2016 jyldyń 29 qyrkúıeginde Avstrııa Respýblıkasynyń Felden qalasynda Ortalyq jáne Shyǵys Eýropa elderiniń ekonomıkalyq forýmy ótken bolatyn. Sol kezde Ońtústik Qazaqstan oblysynyń delegasııasyn bastap barǵan oblys ákiminiń birinshi orynbasary D. Satybaldy men Karıntııa aımaǵy úkimetiniń basshysy P.Keızer arasynda yntymaqtastyq deklarasııasyna qol qoıylǵan edi.