N.NYǴMATÝLIN: Qazaqstannyń órkendeý tarıhyndaǵy mańyzdy beles

Parlament Májilisiniń Tóraǵasy Nurlan Nyǵmatýlın palatanyń búgingi jalpy otyrysyn Elbasynyń «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna arnaǵan Joldaýynan bastady, dep habarlady Májilistiń baspasóz qyzmeti. Joldaýdyń keshe ǵana bar­lyq aq­parat quraldarynda jaryq kór­genin alǵa tartqan N.Nyǵ­ma­týlın: – Prezıdent Nursultan Ábishuly Nazarbaevtyń Joldaýy – eli­mizdiń tarıhı belesin basta­ǵan óte mańyzdy qujat. Onda Elbasymyz Qazaqstan damýynyń jańa baǵyttaryn belgilep berdi. Osy kezeńde, ásirese, ulttyq ekonomıkany kóterýge erekshe kóńil bólindi. Bul eń aldymen halyqtyń áleýmettik jaǵdaıyn kúsheıtýge yqpal etedi, – dedi. Spıker atap ótkendeı, Jol­daý zań shyǵarý organynyń alda­ǵy naqty maqsattaryn kór­setýmen qatar, «100 naqty qadam» Ult jospary aıasynda «Qazaq­stan-2050» Strategııasyn nátı­jeli júzege asyrý úshin barsha qa­zaqstandyqtardy bir maqsat­qa biriktiretin qýatty kúshke ıe. Depýtattyq korpýstyń aldynda turǵan endigi basty mindet – mańyzdy qujatty elimizdiń árbir azamatyna, árbir otbasyna jetkizip, túsindirý. Keń kólemdi nasıhat jumystaryn qolǵa alý. Osyǵan baılanysty Májilis depýtattary barlyq aımaqtardy aralap, halyqpen kezdesýge shyǵady.