Ýnıversıadaǵa qosymsha bıletter satylymǵa shyqty

Almatyda ótip jatqan Ýnıversıada-2017 saıystaryna qosymsha bıletter satylymǵa shyqty, - dep habarlaıdy Vesti.kz. Buǵan kóreremender qyzyǵýshylyǵynyń artýy sebep bolypty. FISU jetekshiligi uıym atyna tirkelgen oryndardyń kóbin kóreremenderge beretin bolyp sheshti. Munyń aldynda hattama boıynsha trıbýnalardaǵy oryndardyń bir bóligi FISU men resmı delegasııalar  ókilderine, sondaı-aq sportshylar men BAQ ókilderine bólingen bolatyn. Bul satylymǵa jatpaıtyn kvotalar jalpy oryndardyń 30 paıyzyn quraıdy. Qazirgi kezde FISU uıymy osy kvotalyq oryndardyń 90 paıyzyn erkin satylymǵa shyǵarý týraly kelisim berdi. Mánerlep syrǵanaý men hokkeı sııaqty qyzyqty sport túrlerine bılet satý búginnen bastalady. Bıletterdi onlaın jáne oflaın satyp alýǵa bolady. Bıletter alypsatarlardyń qolyna túspes úshin bir adamǵa 5-8 bıletke deıin ǵana satylady. Búginnen bastap kez kelgen jarys túrine bıletter týraly aqparat Ýnıversıada saıtynyń basty betinde jarııalanatyn bolady. Qazirgi kezde Ýnıversıadaǵa 184 myń bılet satylǵan (jalpy mólsherdiń 80 paıyzy) - bul Qazaqstanda ótken qandaıda bir sharaǵa satylǵan bıletter boıynsha rekord kórsetkish. Onyń ústine jarys bastalar aldynda suranys tipten artyp ketedi. Mysaly, Ýnıversıadanyń ashylý saltanatynan keıin birden 30 myń bılet satylǵan.