Bul – rasynda da quptarlyq is, álem úshin kókeıkesti másele

Túrki dúnıesiniń aq­sa­qaly, Qazaqstan Res­pýb­­lı­kasynyń Prezı­denti Nursultan Nazarbaevtyń 2017 jylǵy 31 qań­tar­daǵy ha­lyqqa arnaǵan Jol­daýyna Túrkııadaǵy Eýrazııa jazýshylar qaýymdastyǵy tarapynan da zor qoldaý bil­dirilýde. Osy oraıda, «Qa­zaq­stannyń Úshinshi jań­ǵyrýy: jahandyq básekege qabilettilik» atty Joldaý týraly, Qazaq­stannyń qazirgi tańda álemdik qoǵamdastyqtyń ishin­de alyp otyrǵan orny jáne jahandyq damý úderi­sine tıigizip otyrǵan yqpaly týraly pikir bildirýdi jón sanadyq. Áýeli Táýelsizdiktiń 25 jyl­dyǵyn toılaǵan Qazaq­stan Respýblıkasynyń 2017 jyly BUU Qaýipsizdik Keńe­siniń turaqty emes múshe­si retinde qyzmetine kiris­kenine baılanysty, Qazaq eliniń Kóshbasshysy, qadirli Nursultan Nazarbaevty já­ne baýyrlas qazaq halqyn shyn júrekten quttyq­taımyz. Sońǵy jyldary adam­­zat­tyq qasiretke aınalyp, álemdik kúsh­terdiń sheshimin taba almaı otyrǵan Sırııa máse­lesiniń rettelýine qatys­ty Qazaqstannyń tıgizip otyrǵan zor yqpaly, sonymen qatar, bitim­gerliktiń úlgisin kórsete otyryp bastaǵan Astana prosesi álem halyqtary tarapynan, ásirese, úsh mıllıonnan astam sırııalyq bosqyndarǵa pana bolyp otyrǵan baýyrlas Túrkııa tarapynan qoldaý kórip, shyn rızashylyqtaryn jetkizýde. Sondaı-aq, qyrǵı-qabaq bol­ǵan Reseı men Túrkııa ara­syn­daǵy qarym-qatynastyń qalpy­na kelýine yqpal etken Qazaq­stan Prezıdenti, qadirli Nursultan Nazarbaevtyń róli orasan zor jáne muny túrik halqy eshýaqytta umytpaıdy. Jahandyq ekonomıka daǵda­rysqa dýshar bolǵan qazirgi ýaqytta Qazaqstan ózi ustanyp otyrǵan dana ekonomıkalyq saıa­sa­tynyń arqasynda qıyn­dyqtan kóp qı­nal­maı ótip keledi. Qazaq­stan Prezı­den­ti­niń halyqqa ar­na­ǵan Joldaýynda mak­r­o­ekonomıkalyq tu­raqtylyqty saqtaý, kásipkerlikti damytý jáne onyń aıasyn keńeıtý, ekonomıkany damytatyn tehnologııany jańǵyrtý, damýdyń kez kelgen faktory – adamnyń ósip-órken­deýi syndy basymdyqtarǵa bas­ty oryn berilgen. Bul, rasynda da, quptarlyq is, álem úshin kókeı­kesti másele. Qazaqstannyń óz ishindegi jáne halyqaralyq deńgeıde jańa jetistikterge qol jetkize­tindigine senim bildire otyryp, Qazaqstannyń barlyq jetistigin zor qýanyshpen qabyldaıtyn Túrkııa jáne búkil túrki álemi muny maqtan tutatynyn atap kórsetsem deımin. Qazaqstannyń joly máńgi-baqı ashyq bolsyn! Iаkýb OMAROǴLÝ, Eýrazııa jazýshylar qaýymdastyǵynyń tóraǵasy