Astanada avtobýs júrgizýshilerine uıaly telefonsyz júrýdi mindetteýi múmkin

Astana jolaýshylar kóligi basqarmasynyń basshysy Bekmyrza Igenberdınovtiń tóraǵalyq etýimen elordadaǵy barlyq avtobýs parkteri ákimshiligimen májilis ótti, dep habarlady qala ákiminiń baspasóz qyzmeti. Májilistiń negizgi maqsaty – tasymaldaýshylardyń sharttyq mindettemelerdi tıisti oryndaýy, belgilengen aralyqpen jelige avtobýstardyń josparly shyǵýyn qamtamasyz etý, avtobýs júrgizýshileriniń jol qozǵalysy erejelerin saqtaýy, sondaı-aq jolaýshylarǵa qyzmet kórsetý mádenıetiniń deńgeıin arttyrý. Osy jylǵy 1 sáýirden bastap avtobýs parkteriniń ákimshiligi reıs aldy tekserý ýaqytynda júrgizýshilerdiń uıaly telefondaryn qoıýǵa arnaıy uıashyqtar uıymdastyrýdy usyndy. Budan basqa, Kóliktik baqylaý qyzmetine baqylaý-jelilik qyzmetpen birlesip jelidegi júrgizýshilerdiń avtobýs salonynda telefon qoldanýy, temeki shegýine, sondaı-aq jol qozǵalysy qaǵıdasyn saqtaýyna monıtorıng júrgizýdi tapsyrdy. Sondaı-aq, tasymaldaýshylardyń máseleleri qaraldy. Májilis qorytyndysy boıynsha kórsetiletin qyzmetter sapasyn arttyrýdyń tıisti sharalaryn qabyldaý mindetteri qoıyldy.