QAZAQ О́NERINE EÝROPA JURTShYLYǴY QOL SOQTY

Sársenbiniń sáti, 13 qańtarda Vena qalasyndaǵy tarıhı oryndardyń biri – Hofbýrg saraıynyń konsert zalynda Qazaqstan Respýblıkasynyń Eýropadaǵy qaýipsizdik jáne yntymaqtastyq uıymyna tóraǵalyq etý jaýapty qyzmetine kirisý saltanatyna arnalǵan Qazaqstan óner sheberleriniń gala-konserti boldy. Konsertti Avstrııada tirkelgen sheteldik elshilikterdiń basshylary men qyzmetkerleri, Avstrııanyń kórnekti tulǵalary, Eýropanyń birqatar elderinde turyp jatqan qazaq qandastarymyz, sondaı-aq Vena qalasynyń talǵampaz turǵyndary tamashalady. Merekelik aıtýly sharany Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev pen Avstrııanyń Eýropalyq jáne halyqaralyq ister jónindegi mınıstri Mıhael Shpındelegger sóz sóılep ashty. Gala-konsert aldynda Qazaqstan óner sheberleri gala-kon­ser­tiniń bastalýy keshki saǵat 19.00-ge belgilengen edi. Konsert bastalýǵa týra bir saǵat qalǵanda osy Hofbýrg saraıy­nyń Antekammer zalynda Qazaqstan Res­pýb­lıkasynyń Prezıdenti Nursultan Nazarbaevtyń avstrııalyq nusqada jaryq kórgen “Qazaqstandyq jol” kitabynyń tusaýkeser rásimi boldy. Rásimde Qazaq­stan Respýblıkasynyń Memlekettik hat­sh­ysy – Syrtqy ister mınıstri Qanat Saý­dabaev sóz sóılep, jınalǵan jurt­shy­lyqty kitaptyń mazmunymen, Qazaqstan Prezıdentiniń basshylyǵymen elimizde júzege asyrylyp jatqan aýqymdy ju­mys­tarmen tanystyryp ótti. Rásimde, son­daı-aq birqatar avstrııalyq tulǵalar da sóz alyp, Qazaqstan Prezıdentiniń “Qa­zaqstandyq jol” kitabyna joǵary baǵa berdi jáne Qazaqstan Respýblıka­sy­nyń EQYU-ǵa tóraǵalyq etý qyzmetine kirisýimen quttyqtap, tabystar tiledi. Tusaýkeser rásimi aıaqtalǵan soń, oǵan qatysýshylar keń de jaryq Fest konsert zalynan oryn ala bastady. Bul kezde zal ishi qalyń qaýymǵa lyq tolyp turǵan edi. Saǵat tili dál 19.00-di soqqanda, konsertti júrgizýshiler jınalǵan qaýymǵa qazaq jáne aǵylshyn tilderinde Qazaqstan Respýblıkasynyń Eýropadaǵy qaýipsizdik jáne yntymaqtastyq uıymyna tóraǵalyq etý qyzmetine kirisý saltanatyna arnalǵan Qazaqstan óner sheberleriniń konsertine hosh kelgenderin habarlap, Memlekettik hatshy – Syrtqy ister mınıstri Qanat Saýdabaevqa sóz berdi. Búgin Qazaqstan úshin juldyzdy sát týdy, dedi Qanat Saýdabaev gala-konsertti ashardaǵy sóılegen sózinde. Táýelsizdik al­ǵanyna 18 jyl tolǵan elimiz bedeldi ha­lyq­aralyq uıym – Eýropadaǵy qaýip­siz­dik jáne yntymaqtastyq uıymyna tór­aǵa­lyq etý qyzmetin bastap otyr. Tarıh úshin on se­giz jyl onsha uzaq ýaqyt emes. Osy jyl­dar ishinde Qazaqstan saıası-qoǵamdyq jáne áleýmettik-ekonomıkalyq reforma­lar­dy tabysty júzege asyrdy. Ulttyq kósh­basshy retinde tanylǵan Pre­zıdent Nur­sultan Nazarbaevtyń júrgizgen saıasa­tynyń ná­tıjesinde Qazaqstan álem­dik qo­ǵam­dastyqtyń senimdi áriptesi bo­lyp tanyldy. Memlekettik hatshy – Syrtqy ister mınıstriniń atap ótkenindeı, Elbasynyń saıasaty men álemge tanymal bedeliniń ar­qasynda Qazaqstandy 2007 jyly EQYU-ǵa múshe elderdiń barlyǵy biraýyzdan qol­dap, Uıymnyń 2010 jylǵy tóraǵa­ly­ǵyn senip tap­syrdy. Tóraǵalyq Qazaq­stan­ǵa zor jaýap­kershilik júkteıdi. Elimiz tóraǵalyq etý barysynda buǵan deıingi tóraǵalardyń qolǵa alǵan is-sharalaryn jalǵastyra oty­ryp, Uıymnyń qyzmetin damytýǵa kúsh sa­la­tyn bolady. Avstrııa bizdiń elimizdi Uıym­ǵa tóraǵalyq etýi kezinde de qoldaý bildiredi. Sóziniń sońynda Qanat Bekmyrzauly qazaqtyń “Qonaqqa syılyqpen bar” de­gen mátelin keltire kelip, qonaqtardy qa­zaq­standyq óner sheberleriniń konsertin tamashalaýǵa shaqyrdy. Al Avstrııanyń Eýropalyq jáne halyqaralyq ister jó­nin­degi mınıstri Mıhael Shpındelegger Qa­zaqstan men Avstrııa arasyndaǵy baı­lanystarǵa toqtalyp ótip, EQYU tór­aǵa­ly­ǵy qyzmetine kirisken Qazaqstannyń bul jaýapkershiligi zor mindetti oıdaǵydaı atqaratynyna jáne eki eldiń ózara baı­la­nystary aldaǵy ýaqytta da damı be­retindigine senimdi ekenin bildirdi. “Kóńilashardan” “Saryarqaǵa” deıin Qazaqtyń óner sheberleri gastroldik saparlarmen alys-jaqyn shet elderge shyǵyp júr. Ásirese, sońǵy jeti-segiz jyl bederinde qazaqstandyq ónerpazdar­dyń shet memleketter sahnalarynda óner kórsetýleri jıileı tústi. Mysaly, ótken jyldyń jeltoqsanynda qazaqstandyq óner sheberleri Berlın qalasynda bolyp, nemis jurtyn óz ónerlerimen tánti etip qaıtty. Endi, mine, Kári qurlyqtaǵy ir­ge­li eldiń biri – Avstrııa astanasyna ar­naıy kelip otyr. Bul kelistiń orny da, jóni de bólek. Bólek bolatyn sebebi, jo­ǵaryda atap ótkenimizdeı, bul joly olar elimizdiń EQYU tóraǵalyǵy qyzmetine kirisý saltanatyna arnalǵan konserttik saparmen keldi. Sonymen... Zal toly jurtshylyqqa baıqatpaǵan keıipte qarap qoıamyz. Talaı dúldúlder men bulbuldardyń ánin tyńdap, ónerine kýá bolǵan dıplomatııalyq mıssııalardyń ókilderi men talǵampaz Vena turǵyndary sahna tórine jaıǵasqan qazaqtyń ulttyq kıimderin kıip, qoldaryna mýzykalyq aspap-quraldar ustaǵan ónerpazdarǵa qyzyǵa qaraıdy. Qaraıdy da, bir-birimen kúbirlese sóılesedi. Al biz bolsaq, qaıta qaraımyz. Sol kórinis... Gala-konsert Túrkeshtiń “Kóńilashar” kúıimen bastaldy. Ony Qazaqstan Res­pýb­lıkasynyń eńbek sińirgen qaıratkeri Dúısen Úkibaıdyń dırıjerlik etýimen Qazaq memlekettik Qurmanǵazy atyndaǵy aka­demııalyq halyq aspaptary orkestri­niń ujymy oryndady. Dombyra únine neshe túrli aspaptyń úni qosylǵanda, kere­met­teı áserde bolasyń, kóńil-kúıiń birte-birte kóterilip, shabyttana, shattana túsesiń. Kúı sheteldik qonaqtarǵa da ke­re­metteı áser etken bolýy kerek, dırı­jerdiń taıaqshasy joǵary kóterilip baryp toqtaǵanda, zal toly kópshilik dýyldata qol soǵyp, orkestr ujymyna zor qoshemet kórsetip jatty. Kelesi kezekte Ahmet Jubanov pen Latıf Hamıdıdiń “Abaı” operasyndaǵy “Toıbastaryn” tanymal ánshiler Azamat Jyltyrkózov pen Aıgúl Nııazova jáne Qur­manǵazy atyndaǵy akademııalyq orkestr men Kúlásh Baıseıitova atyndaǵy ulttyq opera jáne balet teatrynyń hory oryndady. Eki ánshi de qazirgi kezde naǵyz babyna kelip, án óneriniń shyńyna órlep bara jatqandaryn osy joly taǵy bir kórsetti. Orkestr de, hor músheleri de Aza­mat pen Aıgúldiń tebirene aıtqan áni­ne qajet jerinde qosyla ketip, “Toı­bas­tar­dyń” kópshilik kóńilinen shyǵýyna ba­rynsha demeý kórsetip otyrdy. Bul qoıy­lym­nyń sátti shyqqany sonshalyq, án aıaq­tala salysymen dýyldata qol soǵy­lyp, óner sheberlerine barynsha rızashy­lyq tanytyldy. Keıbir sheteldik qonaq­tardyń oryndarynan turyp, olarǵa erek­she qurmet kórsetip jatqandaryn da kórip qaldyq. “Abaı” operasyndaǵy “Toıbastar” arııasynyń Eýropa tórinde, onyń ishinde EQYU-nyń shtab-páteri ornalasqan Vena qalasynda oryndalýy jaıdan-jaı bol­ma­sa kerek. Bizdiń paıymdaýymyzsha, “Toı­bas­tardyń” bul jerde oryndalýy Qazaq­stannyń EQYU-ǵa tóraǵalyq etý toıy­nyń bastalǵanyn bildirip turǵandaı. Bel­gili kúıshiler Ǵalym Ahmedııarov, Aı­tol­qyn Toqtaǵan jáne Nurken Áshirov naǵyz náshine keltirip oryndaǵan “Kúı shashý” da qalyń qaýymǵa úlken áser qaldyrdy. Ásirese, kúıshilerdiń biriniń tartqanyn ekin­shisi jalǵastyryp áketýi kópshilikti erekshe qyzyqtyra tústi. Al Aıgúl Qosa­no­vanyń oryndaýyndaǵy Muhıttyń “Aı­nam­kóz” áni de áserli ári tamasha shyqty. О́ner ataýlyny baǵalaı biletin, ony qadir tutatyn talǵampaz Eýropa jurt­shy­lyǵyna oryndalý maqamymen daralana túsken ánniń biri – Birjan saldyń “Aıt­baıy” desek, qatelese qoımaspyz. Ony oryndaǵan Qurmanǵazy atyndaǵy Qazaq ulttyq konservatorııasy halyq áni kafe­dra­synyń stýdenti Ahat Kenjebaev kele­she­ginen úlken úmit kúttiretin jastyń biri eken. Qazirdiń ózinde ol respýblıkalyq jáne halyqaralyq konkýrstardyń laý­reaty atanyp úlgeripti. Osy joly onyń daýysynyń keńdigi men sazdylyǵyna konsertti tamashalaýshylar ábden-aq tán­ti boldy. Jasyl jelek jamylǵan Kók­shetaý óńiri, qaz-úıregi ushqan seksen kól, ju­par ıisi ańqyǵan saıyn dala kóz aldy­ńa kelip, keýdeńdi saǵynysh pen maqta­nysh kerneıdi. Jalpy, Ashat Kenjebaev shyrqaǵan ataqty ánshi Birjan saldyń “Aıtbaıy” eýropalyqtardy qazaqtyń naǵyz ónerli de ónerpaz, keń tynysty halyq ekenin moıyndatqandaı boldy. Gala-konserttiń birinshi bóliminde kóp­shilik qaýym, sondaı-aq qazaqtyń Qur­manǵazy atyndaǵy memlekettik akade­mııa­lyq halyq aspaptary orkestri oryn­da­ǵan I.Bramstiń “Vengr bıi” men osy or­kestrdiń oryndaýyndaǵy Qurmanǵazy­nyń “Saryarqa” kúıin jáne belgili ánshiler Aıgúl Nııazova, Bıbigúl Januzaq pen Jámıla Jarqymbaevanyń oryn­daýyn­daǵy Latıf Hamıdıdiń “Qazaq val­sin” qyzyǵa tyńdady. Orkestr de, atalǵan úsh ánshi de óz nómirlerin joǵary deń­geı­de asqan jaýapkershilikpen oryndap shyq­ty. Ásirese, jınalǵan qaýym “Sary­arqa” kúıiniń oryndalý mánerine tam­sanyp otyrdy. Bıbigúldiń, Jámılanyń, Aıgúldiń keń tynysty ashyq daýysy da olardy tánti etti. Buǵan konsertti tama­sha­lap otyrǵan kópshiliktiń qol soǵyp, qurmet kórsetýleri naqty dálel bolady. “Qazaq elinde júrgendeı sezindim” Osy gala-konsertke kezinde túrli jaǵ­daılarmen Eýropada turaqtap qalǵan biraz qandastarymyz da arnaıy kelgen eken. Sáti túskende olardyń birnesheýimen áń­gi­melesken edik. Solardyń biri – qazirgi kezde Gollandııanyń astanasy – Amster­dam qalasynda turatyn Qabaı Qyran de­gen azamat. Tanystyqtan soń ol óziniń jú­rekjardy qýanyshyn bylaısha jetkizdi: – Vena qalasynda Qazaqstan óner sheberleriniń konserti ótedi degendi es­ti­gende taǵat taýyp otyra almadym. Ushaqqa aldyn ala bılet alyp, keshe osy Vena qa­lasyna keldim. Mine, búgin ózimiz kún saıyn saǵynatyn atajurtym – Qazaq­stannan kelgen ánshiler men kúıshilerdiń konsertin tamashalap, marqaıyp júrgen jaıym bar. Jańa “Saryarqa” kúıin tyńdap otyryp, kózime jas keldi. О́zimdi Qazaq elin, qazaq dalasyn aralap júr­gen­deı sezindim. Avstrııanyń myna tarıhı or­nynda qazaqtyń áni men kúıin tyń­datqan Qazaqstan Prezıdenti Nursultan Nazarbaevqa zor alǵys aıtamyn. Sol kisiniń arqasynda Qazaq elin búkil dúnıe júzi tanydy. Endi Qazaqstan Eýropadaǵy qaýipsizdik jáne yntymaqtastyq uıymy­na tóraǵalyq etýdi bastady. Bul bıik mártebe – atajurttan alysta júrgen bizderge óte úlken maqtanysh. Taǵy bir jolyqqan qandasymyz osy Vena qalasynda turatyn Qyzyrhan Shol­pan boldy. Elýdi eńserip qalǵan Qy­zyr­han Vena qalasyndaǵy Qazaq qoǵamynyń tóraǵasy eken. – Syrtta júrgen qazaqtarǵa bul – asa úlken qýanysh, mereke, – dedi ol qýa­nyshty kóńil-kúıde. – Konsert tamasha ótip jatyr. Baıqaǵan shyǵarsyz, oǵan jınalǵandar qazaqtardyń ónerine tam­sa­nyp, qaıta-qaıta qol soǵyp otyrǵanyn. Bul biz úshin baqyt, zor qýanysh. Jańa Qazaqstan Prezıdenti Nursultan Na­zarbaevtyń “Qazaqstandyq jol” kita­by­nyń tusaýkeserine de qatystym. Onshaqty danasyn aldym. Ony osy qalada turatyn qazaqtarǵa taratyp beremin. Oqysyn, tanyssyn. Atajurtymyzdyń qandaı dárejege jetkenin bilsin. Qyzyrhan Sholpannyń aıtýynsha, tek osy Vena qalasynda 30-dan astam qazaq otbasy turady. Barlyǵy jumys istep júr­gen kórinedi. Avstrııanyń joǵary oqý oryndarynda oqyp jatqan balalary da barshylyq eken. Sondaı-aq ol osy jyldyń mamyr aıynda, Venada Eýropa qazaqtarynyń quryltaıyn jáne fýtbol­dan týrnır ótkizýdi josparlap otyrǵanyn aıtyp qaldy. Ondaǵy maqsat – Eýropada turatyn qazaqtardyń bir-birimen tany­syp-bilisýlerine jaǵdaı týǵyzý. Buryn Eýropanyń 10 elinde qazaqtardyń qoǵamy bólek-bólek jumys istegen eken. О́tken jyly olar bir ortalyqtan basqarylatyn Eýropadaǵy qazaq dıasporasynyń fede­ra­sııasy bolyp qaıta qurylypty. О́nerdiń bıik shyńy – opera Qazaqstan Respýblıkasynyń Eýropa­daǵy qaýipsizdik jáne yntymaqtastyq uıymyna tóraǵalyq etý qyzmetine kirisý saltanatyna arnalǵan Qazaqstan óner sheberleri gala-konsertiniń ekinshi bólimi Kúlásh Baıseıitova atyndaǵy ulttyq ope­ra jáne balet teatrynyń sımfonııalyq orkestri men hory jáne Qazaqstan opera sheberleriniń óner kórsetýlerimen ári qaraı jalǵasty. Aldymen atalǵan teatr­dyń sım­fonııalyq orkestri kompozıtor Tiles Qa­jyǵalıevtiń “Qyz qýýyn” Alan Bóri­baevtyń dırıjerlik etýi boıynsha oryndap, kópshilikke qol soqtyrdy. Bul da bir sátti oryndalǵan shyǵarmalardyń biri boldy. Osy tusta aıta keteıik, daryndy dırı­jer Alan Bóribaevtyń dırıjerlik etýi erekshelenip turdy. Qımyl-qozǵa­lysy, barlyǵy bir-birimen astasyp, toly­syp shyǵyp otyrdy. Qazirgi kezde Alan Bóribaev Qazaqstannyń, qazaqtyń atyn alys-jaqyn shetelderge shyǵaryp júrgen óner sheberleriniń biri sanalady. Jas ta bolsa jetken jetistikteri men baǵyn­dyr­ǵan bıikteri az emes. Qazaqtyń daryndy dırıjeriniń óneri aldynda Shvesııa, Nı­derlandynyń sımfonııalyq orkestrleri bir kórgennen-aq bas ıip, onyń daryn­dy­ly­ǵyn moıyndaǵan. Búginde ol Shvesııa­nyń Norchepıng sımfonııalyq orkes­tri­niń jáne Nıderlandy Koroldigindegi Barabant sımfonııalyq orkestriniń bas dırıjeri bolyp isteıdi. Qazaqstandyq óner sheberleriniń alys-jaqyn shet elderdegi mádenı sha­ra­lary Qazaqstannyń halyq ártisi Álibek Dinishevtiń qatysýynsyz ótýi óte sırek. Birtýar ánshini kópshilikke tanystyryp jatý shynynda da artyqtaý. Oǵan qazaq­standyqtar ǵana emes, sheteldik tyńdar­man qaýym da baıaǵyda baǵasyn berip qoıǵan. Bul joly Álibek Dinishev eki án oryndady. Alǵashqysy qazaqtyń halyq áni “Aqbaqaı”, al ekinshisi ıtalııalyq L.Densanyń “Altybaqanda” áni. Eki ándi de Álibek Dinishev asqan sheberlikpen, shyńyna jetkize oryndap, jınalǵan qaýymǵa uzaq qol soqtyrdy. Tipti, biraz ýaqytqa deıin sahnadan jibermeı turyp aldy. Ánniń, ony oryndaǵan ánshi daýysynyń qudirettiligi bolsa kerek bul. Kezinde umytylýǵa shaq qalǵan baıyr­ǵy ulttyq mýzyka aspaptarymyzdyń biri – qobyz úni qazirgi kezde qaıta jańǵyra bastady. Dálirek aıtqanda, qasıetti qobyz úni qaıta estile bastady. Onymen qobyz­shy­larymyz elimizdiń ǵana emes, shetel­der­diń de sahnalarynda shyǵarmalar oryn­dap júr. Qoldaryna qobyz ustap, qazaqtyń búrmeli kóılekterin kıgen úsh qyz – qobyzshylar trıosy Gúlzııa Stam­bek, Ásel Nurkenova jáne Elmıra Ahme­dııarova sahna tórine shyǵa kelgende, qol soqpaǵan adam qalmady. Olar oryndaǵan qazaqtyń jáne Eýropanyń tanymal aspaptyq áýenderi kompozısııasyn jı­nalǵan qaýym asa zeıin qoıyp, zor yqy­laspen tyńdady. Osylaısha, eýropalyq­tar qazaqtyń qasıetti qobyzynyń ǵa­jaıyp únin kózderimen kóre otyryp tyńdady, qobyz sarynyna eltidi. Qobyzshylar trıosymen qysqasha tanystyra ketsek, artyq bolmas. Ol – ha­lyqaralyq jáne respýblıkalyq kon­kýrstardyń laýreattarynan quralǵan bire­geı ansambl. Onyń quramyna prıma-qobyz aspabynda oınaıtyn joǵaryda aty-jónderi atalǵan qobyzshy-ártister engen. Prıma-qobyz – qazaqtyń ejelgi qylqobyz aspabynyń jańartylǵan úlgisi. Al ujymnyń repertýarynda otandyq jáne batyseýropalyq klassıkterdiń shyǵarmalary bar. Budan keıin kópshilik barıton daýys­taǵy tanymal ánshiler Talǵat Musabaev pen Jannat Baqtaıdyń oryndaýynda Dj.Verdıdiń “Trýbadýr” operasynan Graf dı Lýna men Leonaranyń dýetin tyń­dady. Qos ánshige de tyńdarmandar tarapynan erekshe qurmet kórsetildi. Jannat Baqtaı da, Talǵat Musabaev ta K.Baıseıitova atyndaǵy ulttyq opera jáne balet teatrynyń jetekshi solısi. Teatrdaǵy qoıylymdardyń barlyǵy osy eki ánshiniń qatysýynsyz ótpeıdi. Jan­nat­tyń repertýarynda qazaq kompo­zı­tor­lary­nyń týyndylary men halyq ánderi­niń alatyn orny bólek. Al Talǵattyń shyǵarmashylyǵynda opera janry erekshe mańyzǵa ıe. Onyń esimi búginde qazaq opera óneriniń jarqyrap kele jatqan jaryq juldyzdarynyń biregeıi sanalady. Jalpy, eýropalyqtar operany erek­she baǵalap, uıyp tyńdaıtyndary Qazaq­stan óner sheberleriniń konserti bary­synda taǵy baıqaldy. Mysaly, Sım­fo­nııalyq orkestr men teatr hory ujym­dary usynǵan R.Vagnerdiń “Tangeızer” operasynan kórinister men Qazaq memlekettik konservatorııasynyń túlegi, búginde Germanııada óner kórsetip júrgen úzdik pıanısterdiń biri Ámir Tebenıhın oryndaǵan F.Shopenniń “Vals Es dur op. 18” týyndysy kópshilikti barynsha tánti etti. Sondaı-aq belgili dırıjer Abzal Muhıtdınovtiń dırıjerlik etýimen ta­ny­mal ánshi Nurlan Bekmuhambetov oryn­daǵan G.Donesettıdiń “Mahabbat sýsyny” operasyndaǵy Nemorıno romansy da konsertti tamashalaýshylar tarapynan jyly qabyldandy. Ánshiniń aıtýly sheteldik sahnalardan jıi kórinip júrýi osy joly da aıqyn ańǵaryldy. Konserttiń sońyna taman Ámir Bı­senǵalıev, Shernııaz Musahan, Erjan Kúlibaev, Nurııa Kárimbaeva jáne Inara Jumabekova skrıpkamen K.Sen-Sanstiń “Rondo kaprıchchıozo” týyndysyn oryn­daǵan bolatyn. Olardyń oryndaýyndaǵy shyǵarma da tyńdaýshylar tarapynan rızalyqpen qabyldandy. Bul bes skrıp­kashy qazirgi kezde Anglııanyń, Reseıdiń, Ispanııanyń, Germanııanyń óner orda­larynda shyǵarmashylyqtaryn shyńdap jatyr eken. Olardyń beseýi de memle­ket­tik “Bolashaq” baǵdarlamasy boıynsha álem­niń eń úzdik joǵary oqý oryndaryn­da bilim alǵan jastar. Bolashaqta olar ult­tyq ónerimizdi álemniń ozyq týyn­dy­la­rymen úndestirip, ony dúnıe júziniń halyqtaryna tanytady degen senimdemiz. Aldaǵy ýaqytta bul jastar Marat Bısen­ǵalıevtiń, Aıman Musaqojaevanyń izin ári qaraı jalǵastyratyn óner sheberleri bolatyndaryna senim artqan jón shyǵar. Talǵampaz Eýropa jurtshylyǵy, son­daı-aq barıton daýysty Azamat Jyl­tyr­kó­zov, Andreı Tregýbenko jáne Oleg Ta­tamırovtiń oryndaýyndaǵy Dj.Rossını­diń “Sevıl shashtarazy” operasyndaǵy Fıgaro kavatınasyna qol soǵyp, yqylas tanytty. Búginde qazaq operasynyń ja­ryq juldyzyna aınalǵan, Parıjdiń ataqty sahnalarynda óner kórsetip, qazaq halqyn álemge tanytyp júrgen Maıra Muhamedqyzy oryndaǵan I.Kalmannyń “Chardosh hanshaıymy” operasyndaǵy Sıl­va arııasy men qazaqtyń halyq áni “Gúlderaıym” jınalǵan jurtshylyqqa erekshe áser etti. Kópshilik ánshini qol so­ǵyp, sahnadan túsirmeı biraz turdy. Al Eýropa tórindegi gala-konsert Eskendir Ha­sanǵalıevtiń “Atameken” ánimen qory­tyn­dylandy. Sońynan qazaqstandyq óner sheberlerine EQYU tóraǵasy, Qa­zaq­stan Respýblıkasynyń Memlekettik hat­shysy – Syrtqy ister mınıstri Qanat Saý­dabaevtyń atynan yqylas gúli usynyldy. Jalpy, Qazaqstan Respýblıkasynyń EQYU-ǵa tóraǵalyq etý qyzmetine kirisý saltanatyna arnalǵan Shtraýs pen Mo­sart elindegi qazaqstandyq óner sheber­leriniń gala-konserti asqan uıym­shyl­dyq­pen tabysty ótti dep aıtýymyzǵa áb­den bolady. Ol konserttiń ótý barysynda ony tamashalaǵan kópshilik qaýymnyń kóńil-kúıinen, shyǵarmany oryndaǵan ánshi-ártisterge kórsetilgen qurmetten aıqyn kórinip turdy. Ekinshiden, kon­sert­ke kelýshilerdiń qatary mol bolǵany sonshalyq, otyratyn bos oryn bolmady. Oryn jetpegendikten, adamdardyń birqatary turyp kórdi. Solardyń qatarynda elshiliktiń qyzmetkerleri men bizder, jýrnalıster de barmyz. Al gala-konserttiń oıdaǵydaı ótýine atsalysqan, ony utymdy uıymdastyra bilgen Mádenıet jáne aqparat mınıstr­ligine, onyń quramyndaǵy “Qazaq áýen­deri” aksıonerlik qoǵamyna, Qurmanǵazy atyndaǵy orkestrdiń, K.Baıseıitova atyndaǵy opera jáne balet teatrynyń, taǵy basqa óner ujymdarynyń basshy­laryna alǵys aıtqan oryndy. Álısultan QULANBAI.