Senim qashanda alǵa jeteleıdi

Halqymyzdyń bostan­dyqqa umtylysynyń jáne qaısar rýhynyń ar­qa­synda ata-baba­myzdyń ǵasyrlarǵa sozylǵan ar­many – Táýelsizdikke qol jetkizdik. Demek, Táýel­sizdikti qalaı ulyqtasaq ta, oǵan qa­tysty qandaı qujat qa­byldasaq ta esh artyq­shylyǵy joq. Osy bir qasıetti sózdi kúnine neshe qaıtara aıtsaq ta, onyń quny bir mysqal da tómendemek emes. Táýelsizdik degen sózge bizdiń meıirimimiz eshqashan qanbaıdy da. Parlamenttiń Táýelsizdik Deklara­sııasyn qabyldaǵanyn halqymyzdyń armanyn, oıyn dóp basyp taba alǵany dep baǵalaımyn. Osylaısha jańa tur­pat­ty Qazaqstannyń, álemge tany­lyp, óz or­nyn belgilegen alyp ári asqaq eli­miz­diń qadir-qasıetin keleshek urpaq­tyń sa­na­syna sińirip, otanshyl rýhyn ush­taı túse­tin bolamyz. Bul qujat búgin de, er­teń de óz mańyzyn, qajet­tiligin joı­maı­dy. Barsha qazaq­standyqtar úshin bel­gilengen Táýelsizdik kúniniń beıbitshi­liktiń, tatýlyqtyń, birliktiń merekesine aınalyp ketkeniniń ózi bul ataýdyń qanshalyqty mańyzdy ekenin baıqatady. Qazaqstannyń jańa dáýiriniń shy­myl­dyǵyn ash­qan Táýelsizdik Prezıdenti­mizdiń esimi­men de, eń­be­gimen de tyǵyz baıla­nysty. Sóz joq, táýbe eter táýel­siz elimizdiń kóshin alǵa súıreýde Elba­sy­nyń eń­begi ushan-teńiz. Táýelsizdikti alǵa súı­reı­tin kúshter bar, eń aldy­men, ol – hal­qy­myz. Táýel­siz­dik ha­lyq­tyń aqyly­­men, qýa­ty­­men ny­ǵaı­dy. Ha­lyq­­tyń aýyz­bir­shili­gi men yn­ty­ma­ǵy­nyń arqa­syn­da kór­keı­di. Al osy táýel­siz­dik­ti bekem­­degen – Prezıdentimiz Nursultan Nazarbaevtyń kóregendigi men kemel minezi. Osyndaı tarıhı jaýapty sátte taban­dylyqpen eńbegin sińirip, Elba­sy­­nyń mindettegen josparlary men mem­leket­­tik mańyzdy baǵdarlamalardy, joba­lar­­dy júzege asyrýǵa járdemshi bolǵan – Pre­zı­dent senim artyp, el júgin kóterýge taǵa­ıyn­daǵan azamattar. Osy úsh kúshtiń bir­ligi, úshtaǵan odaq­tyń ymyralastyǵy – ha­lyq­tyń, Prezıdent­tiń jáne bıliktiń birin biri qoldaýy Táýelsizdik áleýetin art­tyra túspek. Hangeldi ÁBJANOV, tarıh ǵylymdarynyń doktory, professor, Sh.Ýálıhanov atyndaǵy Tarıh jáne etnologııa ınstıtýtynyń dırektory ALMATY