6 jylda 500 jańa ónim shyǵaryldy

Qazaqstan 6 jyldyń ishinde buryn shyǵarylmaǵan 500 jańa ónim óndiredi. Bul týraly búgin Astanada ótken ınvestısııalyq kongreste QR Investısııalar jáne damý mınıstri Jeńis Qasymbek aıtty. "Indýstrıaldy-ınnovasııalyq damý baǵdarlamasy oryndalǵan jyldar ishinde óndiris salasy 29,4 paıyzǵa ósti. Metallýrgııa, tamaq ónerkásibinen basqa óńdeý salasy da damyp jatyr. Indýstrııalandyrýdyń 6 jylynda 4 trln teńgeniń 900-den astam jańa jobasy iske qosyldy. Osy jobalar 7 trln teńgeniń ónimin shyǵardy. Bul 20 mlrd dollardan astam qarajatty quraıdy. Qazir Qazaqstanda 6 jyl buryn bolmaǵan 500 jańa ónim shyǵarylady. Jyl saıyn eksporttalatyn taýar men eksporttyń geografııasy artyp keledi", dedi mınıstr. Sonymen qatar Jeńis Qasymbek sońǵy 6 jylda ınnovasııalyq granttar bólingenimen, kommersıalandyrýdyń kórsetkishi tómen ekenin aıtty. "О́ńdeýshi sektor turaqty damyp otyr. 0,2% paıyz bolsa da, bir orynda turǵan joq. Sonymen qatar ınnovasııalyq kásiporyndar sany eki ese, ınnovasııalyq ónim 4,5 ese ósti.  Álemdik kóshbasshylarmen salystyrsaq, biz áli joldyń basynda turmyz. Sondyqtan bul jumysty kúsheıtý kerek, básekege qabilettilikti arttyrý kerek", - dedi Qasymbek.