«Barys» óz aıdynynda «Admıral» komandasynan jeńildi

Qurlyqtyq hokkeı lıgasynyń turaqty chempıonatynda Astananyń «Barysy» óz aıdynynda Vladıvostoktyń «Admıral» komandasyn qabyldap, 1:4 esebimen jeńildi. Oıyn aıdyn ıeleriniń shabýylymen bastaldy. Kezdesýdiń nebári 3-mınýtynda astanalyqtar Kem Barkerdiń kómegimen esep ashty. Degenmen, osydan keıin osaldyq tanytqan Edýard Zankoves shákirtteri 8-mınýtta óz qaqpalaryna shaıba jiberip aldy. Nátıjeli soqqynyń avtory – Djeıms Raıt. Matchtyń ekinshi kezeńi tolyǵymen qonaqtardyń baqylaýynda ótti. Aldymen, 22-mınýtta Maksım Kazakov mergendigimen kózge túsip, óz komandasyn alǵa shyǵarsa, 26-mınýtta Djeıms Raıt dýbl ıesi atandy. Munymen de toqtamaǵan «Admıral» hokkeıshileri arada birer mınýt óter-ótpes taǵy bir shaıbany soqty. Atap aıtqanda, Pavel Makarenko 28-mınýtta kezdesýdiń sońǵy núktesin qoıdy. Enshisinde 45 upaıy bar «Barys» «Shyǵys» konferensııasynda 8-orynda keledi. Kelesi kezdesýin Astanada 27 qarasha kúni «Amýr» komandasymen ótkizedi.