Jambylda qant zaýyty salynady

Jambyl oblysynda «Taraz Invest – Agro|Chemical Day 2016» halyqaralyq ınvestısııalyq forýmy barysynda 120 mlrd teńgege 12 memorandýmǵa qol qoıyldy, dep habarlady oblys ákimdigi. Forýmnyń  basty maqsaty – shaǵyn jáne orta bıznes sýbektileri men bıznesmender úshin aımaqtyń ınvestısııalyq tartymdylyǵyn kórsetý. Sondaı-aq Jambyl oblysynyń agrohımııalyq salasyn damytý úshin «Taraz hımııalyq parki» arnaıy ekonomıkalyq aımaǵy qurylǵan. Arnaıy ekonomıkalyq aımaqta jumys isteıtin kásiporyndar úshin jeńildetilgen salyqtyq rejım kórsetiledi. «Jyl saıyn Jambyl oblysy ındýstrııalyq áleýetin arttyryp keledi, jergilikti óndiristi damytýda ınvestısııany tartý úshin qolaıly klımat qurylady. «Taraz Invest – Agro|Chemical Day 2016» halyqaralyq ınvestısııalyq forýmyn ótkizý ónerkásiptik jáne hımııalyq-tehnologııalyq óndiris salasyndaǵy áriptestik qatynasty nyǵaıtýǵa taǵy bir qadam bolýy múmkin»,- dedi oblys ákimi Kárim Kókrekbaev. «Taraz Invest – Agro|Chemical Day 2016» aıasynda qatysýshylar «BHK» JShS, «Damý» kásipkerlikti damytý qory, eksport jáne ınvestısııa boıynsha «KAZNEX INVEST» ulttyq agenttigi, tehnologııalyq damý boıynsha ulttyq agenttigi, Qazaqstandyq memlekettik jeke menshik seriktestik ortalyǵy jáne jergilikti maǵynadaǵy NADLoC damytý boıynsha Ulttyq agenttik ókilderinen málimet alǵan kásipkerlerge qyzmet kórsetý ortalyǵynyń jumysy qurylǵan. Forým barysynda Jambyl oblysynda qant zaýyty salynatyny belgili boldy.