Shymkentte avtobýs qurastyratyn zaýyt iske qosylady

Shymkentte avtobýs qurastyratyn zaýyt iske qosylady, dep habarlady «QazAqparat». Qala basshylyǵy daıyn mashınalardy syrttan ákelgenshe, qoǵamdyq kólik bólshekterin qurastyramyz degen sheshimge keldi. Bul dál sol zaýytta qurastyrylǵan jeńil avtokólikterdi 30%-ǵa tómen baǵada satyp alýǵa jáne avtobýstardyń isten shyqqan bólshekterin ońaı almastyrýǵa múmkindik beredi. Zaýyttyń basty seriktesi – «Mersedes» nemis avtokompanııasy. Zaýyt jylyna 100-150 avtobýs shyǵarýdy josparlap otyr. Ázirge kásiporynǵa 1 mln dollar qarjy quıylǵan. Kelesi jyly zaýyt basshylyǵy servıstik ortalyq qurmaqshy. Bul kásiporyn 100 adamnan joǵary adamdy jumyspen qamtamasyz ete alady. Alaıda, zaýyt qazir qalalyq ákimdiktiń qoldaýy men yntymaqtastyǵyna zárý. Sonymen qatar, múgedekterge arnalǵan eýropalyq úlgidegi arnaıy avtobýstar da jasalynady. «Qazir bizge «Mersedes» kompanııasynyń ókili kelip, kelissózder júrgizip jatyrmyz. Olar bizben birge jumys jasaýǵa daıyn ekenderin aıtty. Avtobýstar ekologııalyq normalarǵa saı bolady. Qazir avtobýstardyń úlgileri tańdalýda, bekitilgenin kútýdemiz», – dep túsindirdi «Kazbeltehnıka» saýda úıiniń bas dırektory Baqyt Jasuzaqov.