Túrkistan bokstan əlemniń vıse-chempıony Bek Nurmaǵanbetti kútip aldy

Búgin Túrkistandyq jas boksshy Bek Nurmaǵanbet Reseıdiń Sankt-Peterbýrg qalasynda ótken jastar arasyndaǵy álem chempıonatynan kúmis medalmen oraldy, dep habarlady qala ákimdiginiń baspasóz qyzmeti. Tańerteń túrkistandyqtar temirjol vokzalynan batyryn sán-saltanatymen kútip alyp, B.Nurmaǵanbet jáne onyń jattyqtyrýshysy A.Kerimjanovqa erekshe syı-qurmet kórsetti. Jas jeńimpazdy kútip alý rásimine Túrkistan qalasy ákiminiń orynbasary Ǵ.Rysbekov, Q.A.Iаsaýı atyndaǵy HQTÝ sport fakýltetiniń dekany E.Mahanbetov, «Á.Nurmahanov atyndaǵy olımpıada rezervin daıyndaıtyn mektep dırektory, qalalyq máslıhat depýtaty E.Táńirbergenovter qatysyp, B.Nurmaǵanbetke shapan jaýyp, qarjylaı syı-sııapat jasasa, boksshynyń ózi bilim alatyn HQTÝ basshylyǵy tarypanan aı saıyn shákirtaqy bólinetinin qýanyshty túrde jetkizdi. Talantty jas sportshynyń bul jetistigin mamandar joǵary baǵalap otyr. Boıshań ári qımyly shapshań, qoldary da uzyn. Bekzat batyrdyń izin jalǵap júrgen óren budan bylaı Qazaqstan erler arasyndaǵy ulttyq qurama sapynda óner kórsetetin bolady. Aıta keteıik B.Nurmaǵanbet Q.A.Iаsaýı atyndaǵy Halyqaralyq qazaq- túrik ýnıversıtetiniń sport bóliminiń 2-kýrs stýdenti. Boksshyny jeńisimen quttyqtaı kelgen jerlesteri aldynda bul júldesin el Táýelsizdiginiń 25 jyldyq mereıtoıyna arnaıtyndyǵyn jetkizdi.