Kompanııa keleshegi – jastar

«QazMunaıGaz» UK» aksıonerlik qoǵamy elimizdiń munaı-gaz salasyndaǵy jetekshi kompanııa bolyp tabylady. Kompanııanyń ózindik óndiristik jáne eńbek dástúri bar. Sońǵy jyldary munda óndiristi jańasha uıymdastyrýǵa, naryqtyq qatynastardy damytýǵa jáne adam resýrsyn tıimdi paıdalanýǵa baǵyttalǵan sátti qadamdar jasalýda. Sonyń biri kompanııa keleshegi jastarǵa senim artý, olardyń jastyq jigeri men ǵylymı izdenisterin óndiriste tıimdi paıdalanýǵa serpin berý ekeni sózsiz. Aqtóbede ótken «Qaz­Munaı­Gaz» UK» AQ jas­tary­nyń III sletinde osy jáne bas­qa má­seleler talqylandy. Slettiń «О́zgeristi ózińnen basta» dep atalýynda da úlken mán bar. Bul – kompanııada jumys is­teıtin ár jasty ýaqyt tala­by­na qaraı ıkemdele eńbek etý­ge umtyldyrýdyń bir joly. Forým is júzinde QMG kompanııa­lar tobyndaǵy 45 seriktes jáne táýeldi kásiporyn jastarynyń ashyq áńgime alańyna aınaldy. Jastar sletiniń negizgi maqsaty – jas jumysshylar men kompanııa basshylyǵy arasynda ózara túsinistikti qa­lyptastyrý, óndiristi damy­tý­daǵy jastardyń rólin kú­sheıtý baǵytynda jumys isteý, jastar bastamalaryn júzege asyrýǵa yqpal etý jáne qoldaý kórsetý. Alqaly jı­yn­ǵa­ Aqtóbe óńiri­n­degi birqatar mu­­­­­­naı-gaz kom­pa­nııa­lary­nyń jas­ ma­man­dary shaqyryldy. Jas­­­­­­tar jıy­­nyn júrgizip otyr­­ǵan «QazMunaıGaz» UK» AQ jas­­­­tar keńesiniń tóraǵasy Sa­ıat Qaı­­­geldınov mundaı kez­­­­de­sý­ler­­di uıymdastyrý dás­­­tú­r­ge aı­­nalǵanyn jet­kiz­­di. Slette sóz alǵan «Qaz­Mu­naıGaz» UK» AQ vıse-pre­­zıdenti Serik Áb­denov tran­sfor­masııalaý baǵ­dar­la­masy, onyń aıasynda en­gi­zilip jatqan jańalyqtar, sondaı-aq, adam resýrstaryn basqarý ba­ǵytyndaǵy josparlar týraly tarata baıandady. – Qazir QMG kompanııa­lar tobynda NR transformasııalaý bo­ıynsha jumystar júrgizilýde. Bul qaıta qurýdy árbir qyzmetkerge jetkizý óte mańyzdy bolmaq. Sondyqtan kom­panııa basshylyǵy jobany júzege asyrýshy retinde onyń mán-mańyzyn túsindirý úshin qandaı da bir áńgime alańyn tıimdi paıdalanýǵa múddeli. 2014 jyly 6 qazanda Elbasy N.Nazarbaev QMG-niń negizgi aksıoneri «Samuryq-Qazyna» kompanııa­lar tobynda transformasııa baǵdarlamasy bastalǵany týraly málimdedi. Ony júzege asyrýdyń bas­ty maqsaty kompanııanyń qarjy jaǵdaıyn jaqsartýǵa baǵyttalǵan, – dedi ol. Baıandamashy korporatıvtik basqarýdyń tıimdiligin artty­rý­ǵa, óndiristi basqarýdyń ja­ńa joldaryna, kompanııa jumy­synyń mańyzdy ba­ǵyt­taryna, aktıvter ba­ǵa­sy­na toqtaldy. Ol, son­daı-aq trans­formasııa­­­laý baǵ­dar­­lamasynyń negizgi bý­­y­­­­ny eń aldymen adamdar eke­nin atap ótti. Serik Ábdenovtiń aıtý­ynsha, QMG kompanııalar tobynda 90 myń adam eń­bek etedi. Olar jylyna eli­miz boıynsha óndiriletin munaıdyń 22 mıl­lıon tonnasyn qamtamasyz etedi, munaı men gazdyń 60 paıy­zyn magıstraldy qubyrmen jáne basqa joldarmen tasymaldaıdy. Munaıdy óńdeý – tolyqtaı osy aksıonerlik qoǵamnyń enshisinde. Kom­pa­nııanyń munaı servıstik kásiporyndary bar. Olar jańa ken oryndarynyń jumysyn qamtamasyz etedi, bur­ǵylaý úshin jańa uńǵy­ma­lar­dy qu­rady, barlaý ju­mys­taryn júr­gizedi. О́tken jyly kompa­nııa bıýdjetke 840 mıllıard teńge aýdardy, Ulttyq qorǵa da tıisinshe tólemder jasady. Vıse-prezıdent budan ári QMG-niń operasııalyq shy­ǵyndaryna, jalpy sh­a­rýa­­shylyq qyzmetine tere­ńi­r­ek toqtaldy. Bul baǵytta eńbek ónimdiligin arttyrý, óndiristik úrdisterdi, eńbek jáne turmystyq jaǵdaıdy jaqsartýǵa baǵyt ustalatynyn jetkizdi. Ol úshin óndiristi jetildirý, damýdy qamtamasyz etý qajet. Buǵan kompanııanyń múmkindigi mol jetedi. Serik Ábdenov transformasııalaý baǵdarlamasynyń mánin asha kelip, júrgizilip jatqan qaıta qurýdyń kom­panııanyń alǵa qoıǵan stra­tegııalyq mindetterinen bas­tap kadrlardy daıarlaý jáne irik­tep alýǵa deıingi barlyq býyn­yn qamtıtynyn atap ótti. Bul baǵdarlamada tek óndi­ris­tik jaǵdaılar ǵana emes, ujy­mdaǵy turaqtylyq pen uıym­shyldyqqa negizdelgen áleý­mettik máselelerdi sheshý qarastyrylǵan. Jalpy transformasııalaý baǵdarlamasynda taıaý jáne uzaq merzimdi damý strategııasy, bıznestiń basym ba­ǵyttary, úrdistik jáne ope­rasııalyq modelder, uıym­dastyrý qurylymy, qyz­met­kerlerge qoıylatyn talaptar oılastyrylǵan. Olar­dy júzege asyrý eńbek ónimdiligin arttyrýǵa, jańa tehnologııalardy ıgerýge, syrtqy naryqqa burynǵydan góri keń kólemde shyǵýǵa al­ǵy­shart jasaıdy. Serik Ábdenov transformasııa­laý baǵ­darlamasynyń kompanııa ju­mysyn jańa deńgeıge kó­te­rýge serpin beretinin, bul ba­ǵytta rezervterdiń áli de mol ekenin tilge tıek ete kelip, kom­­panııanyń qazirgi jaǵdaıyn she­teldik áriptesteriniń deń­geı­imen salystyra áńgime­leýi tartymdy shyqty. Qazir QMG jańa ken oryndaryn barlaý, munaı óndirý, tasymaldaý jáne óńdeý boıynsha álemdegi jetekshi 50 kompanııanyń qata­ryna kiredi. Munda bola­shaq­ta jumys tıimdiligin arttyra otyryp, otyzdyqqa ený kózdelýde. Búgingi tańda kompanııanyń el aýmaǵynda 73 óndiristik aktıvi bar. Sondaı-aq, shetel­dik áriptesterimen birlesip bas­qaratyn aktıvteri de jeterlik. Materıaldyq-tehnıkalyq ba­zasy jaqsy, 15 óndirý ká­sip­oryny, 20 ken barlaý orny, 8 munaı servıstik kompanııasy, 11 munaı tasymaldaý, 9 gaz tasymaldaý, 3 munaı óńdeý zaýyty, avtokólikke maı quıý stansalary jáne basqa bólimsheleri bar. Sondyqtan, tańdap alynǵan bes baǵyt – munaı jáne gaz óndirý, óńdeý marketıngi, munaı-gaz tasymaldaý, munaı servıstik qyzmet boıynsha damý kózdelýde. Serik Ábdenov bız­­nestiń árkimnen neni talap etetinin, kompanııa aldyna qan­daı basymdyqtar qoıyp otyr­ǵanyn alǵa tartty. Odan keıin sóz alǵan «Qaz­MunaıGaz» UK» AQ jastar keńesiniń tóraǵasy Saıat Qaı­gel­dınov keńes jumysyn baıa­ndaı kelip, alda turǵan mindetterdi aıtty, jastardyń kásibı ósýi, ınnovasııalyq bastamalar, áleýmettik qoldaýǵa toqtaldy. Jastar keńesiniń mártebesin kóterip, onyń úmitkerlerdi jumysqa alý, kadrlyq rezervti anyqtaý boıynsha irikteý konkýrstaryna qatysýy týraly oılaryn ortaǵa saldy. Ol О́ner­tapqyshtar klýby týraly aıta kelip, QMG-de qurylǵan óner­tapqyshtyq usynystardyń ıdeıa­lar banki jastar bastama­laryna serpin berip qana qoı­maı, olardyń ınnovasııalyq qyz­metin keńeıte túsetinin atap ótti. Slette «Pikirtalas klýby», «Breıng-rıng» zııatkerlik oıyny» jáne «English club» joba­larynyń tusaýkeseri boldy. – Bizdiń kásiporynda belsen­di jastar kúshimen 2013 jyldan beri «Babalar júrgen izbenen» jobasy júzege asyrylýda. Jyl saıyn arnaýly ekspedısııa jasaqtalyp, týǵan elimizdiń tabıǵı-tarıhı oryndarynda bolady. Ekspedısııa «Aqsý – Kendirli», «Qaraǵan bosaǵa» jáne basqa tarıhı-tabıǵı oryn­darda bolyp qaıtty. Bul jobanyń tanymdyq-taǵy­lym­dyq ónegesi mol, – deıdi «О́zenmunaıgaz» AQ jastar keńesiniń tóraǵasy Báıimbet Baýyrjan. Munaıshy jastardyń alqa­ly jıynynda kásibı ózin-ózi damytý, qyzmet babynda ósýdi josparlaý máseleleri sóz boldy. Paneldik sessııalardyń birinde QMG kompanııalar tobynda kásiptik bilim berýdiń dýaldy júıesin engizý jolymen jastardy daıarlaý má­seleleri talqylandy. Tike­leı ju­mys ornynda oqytý baǵdar­lamasy aldyńǵy qatarly, tıimdi jáne álemdik tájirıbede dáleldengen baǵdarlama bolyp tabylady. «Embimunaıgaz» AQ, «Pavlodar munaı-hımııa zaýyty» JShS jáne Chelıabi qubyr prokat zaýyty mamandary oqytýdyń osy júıesin engizý jáne oqý synaq alańyn qurý týraly tájirıbelerimen oı bólisti. «Pavlodar munaı-hımııa zaýyty» JShS-de oqytýdyń dýaldy júıesi 2013 jyldan beri engizilgen. Osy kezeńde onda 83 stýdent bilim alyp, onyń 53-i jumysqa ornalasqan. Qazir 50 adam óndiris jáne oqý júıesi boıynsha oqyp júr. Al, «Embimunaıgaz» AQ dýaldy oqytý júıesin byltyrdan beri paıdalanýda. Bastapqy kezeńde Atyraý munaı jáne gaz ınstıtýty men «APEK Petrotechnic»-tiń 39 úshinshi jáne tórtinshi kýrs stýdenti qatysqan. Slet aıasynda «Atameken» ulttyq kásipkerler palatasy jáne Nemis qolónershiler palatasy usynǵan óndiris she­berleri men tálimgerlerin oqy­tý jobasy boıynsha ju­my­s­tar talqylandy. 2016 jy­ly «Embimunaıgaz» AQ-tyń 6 mamany tálimgerler úshin «Ká­sibı jáne eńbek peda­go­gı­kasy» taqyrybynda úsh mo­dý­ldi oqýdan ótken. Jastar jıy­­- n­yn­da olarǵa «Tálimger» má­r­tebesin berý týraly sertıfıkattar tapsyryldy. Slet aıasynda jastardyń oblys ákimi Berdibek Saparbaevpen kezdesýi óte qyzǵylyqty ót­ti. О́ńir basshysymen jas mu­naı­shylar ashyq áńgime-dú­ken qurdy. Jastarmen ashyq áń­gi­mede Berdibek Mashbekuly el ekonomıkasy úshin munaı-gaz salasynyń mańyzy zor ekenin, munaı óniminiń baǵasy tómen ekenine qaramastan, Elbasynyń salıqaly saıasatynyń arqa­syn­da elimiz ekonomıkalyq qıyndyqtan shyǵa bilgenin aıtty. – Táýelsizdik alǵan kúnnen bastap Elbasy jastar saıasatyna erekshe nazar aýdardy. Memlekettik saıasattyń negizgi baǵyty jastar máselesin sheshý, olardyń áleýetin kóterýge baǵyttaldy. Halyqaralyq standarttarǵa saı bilim alý úshin barlyq jaǵdaı jasaldy. Memleket basshysynyń bastamasymen jıyrma jyl bu­ryn «Bolashaq» baǵdarlamasy qolǵa alynyp, ony oqyp kelgen jastar qazir el ekonomıkasyn kóterýge atsalysyp júr. Sizder qýatty, aqyldy, talantty jastarsyzdar. Qazir siz­der­diń qaı salada bolsyn tyń ıdeıa­lardy iske asyrýǵa mol múmkindikterińiz bar. Memleket qashanda jastardyń bastamasyn qoldaıdy, – dedi óńir basshysy. «QazMunaıGaz» UK» AQ vıse-prezıdenti Serik Ábdenov forýmdy qorytyndylaı kele, jastardy kompanııanyń dam­ýyna, óndiristik kórsetkishterdi kóterýge, ınnovasııalar men jańa tehnologııalardy engizýge qatysýǵa shaqyrdy. Jıyn barysynda belsendi jastar oblys ákimdigi men kompanııanyń Alǵys hattarymen marapattaldy. Slettiń ekinshi kúni jas­tar Qazaqstan Respýb­lı­ka­sy­­nyń Tuńǵysh Prezıdenti N.Nazarbaev atyn­daǵy orta­lyq saıabaqta aǵash kóshette­- rin otyr­ǵyzdy, osynda uıym­d­as­­ty­rylǵan flesh-mobqa qa­tys­­ty. Munaıshy jastardyń eki kúnge sozylǵan al­qaly jıy­­­ny «QazMunaıGaz» UK» AQ kompanııalar toby jas qy­z­­metkerleriniń kúshimen uıym­­das­tyrylǵan konserttik baǵ­dar­lamamen aıaqtaldy. Satybaldy SÁÝIRBAI, «Egemen Qazaqstan» AQTО́BE