«Biz ıadrolyq qarýsyz álemdi qalaımyz!»

Semeı ortalyqtandyrylǵan kitaphanalar júıesinde «25 juldyzdy kún» sharasy aıasynda el Táýelsizdiginiń 25 jyldyǵyna arnalǵan «Biz – ıadrolyq qarýsyz álem úshin» atty ekologııa saǵaty ótti. «Avısenna» kolledjiniń stý­dentteri qatysqan shara barysynda kitaphana qyzmetkerleri bıyl Qazaqstannyń Táýelsizdik al­ǵanyna 25 jyl tolýymen birge, Semeı ıadrolyq synaq po­lı­go­nynyń jabylǵanyna da shırek ǵa­syr bolǵanyn atap ótti. Semeı po­lıgonynyń álemdik deńgeıdegi ult­tyq qasiret ekenin áńgimelegen kitaphanashylar qaýymy ajal ara­ny­nyń alǵashqy qurylý tarıhynan bas­tap, onyń aýyr saldary men zarda­by jóninde baıandady. Iаdrolyq synaq alańy keshegi Abaı men Muhtardaı alyptardyń jasyl jazıraly týǵan jeri bolǵan bútindeı Semeı aımaǵyna uzaq ýaqytqa sozylatyn radıasııalyq sáýlesimen óshpes qasiret alyp kelgenin aıtqan kitaphana qyzmetkerleri osynaý 40 jylǵa sozylǵan qasiret qaqpanynan qutqarǵan 1991 jylǵy Elbasy Nursultan Nazarbaevtyń Semeı po­lıgonyn jabý jónindegi Jar­lyǵy bolǵanyn atap ótti. Sondaı-aq, «Nevada-Semeı» antııadrolyq qoz­ǵalysynyń da eleýli úles qosqanyn je­tkizdi. Ekologııalyq saǵat barysynda oqýshylar jappaı qyryp-joıatyn ıadrolyq qarýdan bas tartyp qana qoı­maı, ony álem elderi arasynda nasıhattaýymen antııadrolyq qoz­ǵalystyń kóshbasshysyna aınalǵan qazaqstandyq bastamalardyń avtory – Elbasy Nursultan Nazarbaevtyń beıbitshilikke úndegen saıasaty jóninde oı-pikir almasty. Shara sońynda oqýshylar «Biz – ıadrolyq qarýsyz álemdi qalaımyz!» taqyrybyndaǵy kitap kórmesin tamashalady. Buǵan deıin Abaı atyndaǵy ki­taphana qyzmetkerleri qalalyq ishki ister basqarmasynda «Elbasymen nurly bolashaqqa» atty kórme men slaıd-dáris ótkizgen bolatyn. Dýman ANASh, «Egemen Qazaqstan» SEMEI