Ult rýhynyń bastaýy

Jazýshylar odaǵynda Qazaqstan Táýelsiz­diginiń 25 jyldyǵy Deklarasııasyn qoldaǵan merekelik pleným ótti. Shırek ǵasyr ishinde Ortalyq Azııa aýmaǵynda ǵana emes, kúlli álem memleketteri qatarynda teńdes­siz tabystarǵa jetken Qazaqstan ekono­mıkasy men halyq sharýashylyǵynda, sondaı-aq, mádenı-rýhanı salada da kósh bastady. Táýelsizdik shyn máninde ulttyq rýhymyzdyń bastaýy boldy. Qalamgerler aldynda baıan­dama jasaǵan Qazaqstan Jazýshy­lar odaǵy Basqarmasynyń tóraǵasy Nurlan Orazalın Qazaqstannnyń Táýelsizdik alǵan 25 jyl ishinde qol jetkizgen tabystary men halyqara­lyq dárejedegi órleı kóterilgen bedeli, ondaǵy Elbasy-Qazaqstan Prezı­denti Nursultan Nazarbaevtyń orasan zor eńbegi týraly tolymdy oı qozǵady. Elimizdegi tarıhı mańyzdy ekonomıkalyq jáne saıası reforma­lar aıasynda myzǵymas memleket­tik qurylym tuǵyryn bekitken Nursultan Nazarbaevtyń ólsheýsiz eńbegine toqtaldy. Jaryssózge shyqqan jazýshylar Sultanáli Balǵabaıuly, Kádirbek Segizbaev, Ahmetjan Ashırı, aqyndar Baýyrjan Babajanuly, Almas Ah­metbekuly jáne basqalary el Táýel­sizdiginiń máni men mańyzy týraly, 25 jyl ishindegi Qazaqstan halqy men qazaqtardyń ósip-órkendeý joldary týraly óz oılaryn ortaǵa saldy. Qazaqstan qalamgerler mere­ke­lik pleným ústinde Qazaqstan Táýel­sizdiginiń 25 jyldyǵy Deklarasııa­syn qyzý qoldap, qýattaıtyndyq­taryn bildirdi. Ol týraly arnaıy úndeý qabyldady. Talǵat SÚIINBAI, «Egemen Qazaqstan» ALMATY