Imashev – Halyqaralyq bessaıys odaǵynyń vıse-prezıdenti

Germanııanyń Frankfýrt qalasynda halyqaralyq qazirgi zamanǵy bessaıys odaǵynyń (UIPM) 68-shi eseptik-saılaý kongresi boldy. Kongreske álemniń 78 eli ulttyq federasııalarynyń birinshi basshylary men hatshylary qatysty. Bul uıymnyń rekordtyq kórsetkishi bolyp tabylady. Kongreste uıymdyq másele qaralyp, onyń qorytyndysy bo­ıyn­sha odaqtyń prezıdenti bolyp doktor Klaýs Shormann qaıta saı­landy. Al Qazaqstan Ulttyq olımpııalyq komıteti atqarý komı­tetiniń múshesi, respýblıkanyń qazirgi zamanǵy bessaıys federasııasy prezıdenti Berik Imashev halyqaralyq odaqtyń vıse-prezı­denti bolyp saılandy. Kongreste UIPM-niń 5 vıse-prezıdentiniń oryntaǵyna 9 kandıdatýra usynyldy. Jasyryn daýys berý jolymen júrgizilgen saılaýdyń úshinshi 3 raýndynan keıin jańa vıse-prezıdentter esimderi belgili bol­dy. Bul saptan Hýan Antonıo Samaranch (Ispanııa), Joel Boýzoý (Fransııa), Vıacheslav Amı­nov (Reseı), Hýan Manzo Oranegıý (Meksıka) jáne Berik Ima­shev (Qazaqstan) tabyldy. Kongreste qazirgi zamanǵy bes­saıystyń jáne olımpııalyq qoz­ǵa­lystyń damýyna qosqan zor úlesi úshin Qazaqstan Ulttyq olım­­pııalyq komıtetiniń birinshi pre­zıdenti, UIPM jáne AMRS at­qa­rýshy komıtetiniń burynǵy múshe­si, marqum Tımýr Dosymbetov «UIPM-niń qurmetti múshesi» meda­limen marapattaldy. Onyń esimi Lozannadaǵy Olımpıada mýzeıiniń UIPM qurmet zalyna engizildi. Kongreste 2018, 2019 jyldarda álem chempıonattaryn qabyldaıtyn qalalar anyqtaldy. 2018 jylǵy Álem kýbogynyń fınaly Almatyda ótetin bolady. Serik PIRNAZAR, «Egemen Qazaqstan»