Elimizdiń bas shyrshasy Táýelsizdik kúninen keıin jaǵylady

Bıyl Astanada jańa jyl merekesine arnalǵan bas shyrsha Táýelsizdik kúninen keıin, 18 jeltoqsan kúni jaǵylady, dep habarlaıdy QazAqparat. Astana qalasy ákiminiń baspasóz qyzmeti habarlaýynsha, bas shyrsha «Han shatyr» oıyn-saýyq ortalyǵynyń janynda ornalaspaqshy. Jalpy, jyl saıyn shyrsha 1 jeltoqsan kúni Elbasy Nursultan Nazarbaevtyń qatysýymen janatyn. Bıyl Táýelsizdiktiń 25 jyldyǵyna oraı, qala aldymen táýelsizdik merekesine daıyndalýda. Astana qalalyq Mádenıet basqarmasynyń aqparatyna súıensek, elordada 17 shyrsha ornatylyp, tórt muz qalashyǵy boı kótermek. Bir ǵana Esil aýdany men Úrker, Qalamańy turǵyn alqaptarynda 10 jańajyldyq shyrsha ornatý josparlanǵan. Bıylǵy jańajyldyq bezendirýdiń basty nyshany - Taýyq qana emes, elimizdiń basty oqıǵasy - EKSPO kórmesi de bolady. Aıta keteıik, Astanada ashyq aspan astyndaǵy eń úlken muz aıdyny «Araı» saıabaǵynda salynýda. 250 adamǵa arnalǵan muz aıdynynyń jalpy aýmaǵy - 5 myń sharshy metr.