Tatýlyqtyń tereń tamyry

Keshe Ulttyq mýzeı ujymynyń uıymdastyrýymen Tuńǵysh Prezıdent kúnine jáne el Táýelsizdiginiń 25 jyldyǵyna oraı «Elbasy – el tiregi» atty mádenı-tanymdyq kesh ótti. Ulttyq mýzeıdiń «Tarıhı tulǵalar» atty aǵartýshylyq-tanymdyq baǵdarlamasy aıasynda uıymdastyrylyp otyr­ǵan kesh barysynda Elba­sy­nyń el damýyndaǵy orny, Táýelsiz Qazaqstannyń ósip-ór­ken­deýine qosqan úlesi, memle-kettiń ishki-syrtqy saıasa­tyn­daǵy ustanymdary týraly sóz qozǵalyp, Nursultan Nazarbaevtyń atymen atalǵan shetel­derdegi kósheler, mekemeler men eskertkishter týraly beınesıýjet kórsetildi. Beınesıýjetti ázirleýge Qazaqstandaǵy Túr­kııa, Ýkraına, Iordanııanyń Ho­shı­mıt Koroldigi elshilikteri, Tatarstannyń Qazaqstandaǵy ókildigi, «Vaınah» sheshen-ıngýsh etno-mádenı birlestigi kómek­tesken. Aıta ketý kerek, qazirgi tańda Túrkııanyń Nevshehır, Qyrshehır, Gebze, Adan qalala­rynda, Iordanııanyń astanasy Ammanda, Sheshenstannyń astanasy Groznyı qalasynda, Ingýshetııa astanasy Magasta jáne Tatarstan astanasy Qazan qalasynda Qazaqstan Respýb­lıkasynyń Tuńǵysh Prezıdenti N.Nazarbaevtyń atymen atalǵan kósheler bar. Sol sııaqty, álem­niń birneshe elinde Elbasyna arnalǵan eskertkishter ashylǵan. Eń alǵashqy eskertkishtiń biri Memleket basshysy bilim alǵan Ýkraınanyń Dneprodzerjınsk qala­synda boı kótergen. Sondaı-aq, Túrkııa astanasy Anka­rada, Qyrǵyzstannyń Sholpan-ata qalasynda, Gagaýzııa astanasy Komrat qalasynda Qazaqstan Pre­zıdentiniń eskertkish-bıýsti bar. «Biz osy kúnderi Respýblıka bolyp Táýelsizdiktiń 25 jyldy­ǵyn atap ótýge daıyndyq ústin­demiz. Babalardyń qany men analardyń jasymen jetken erkindikti el bolyp birigip, jurt bolyp jumylyp toılamasaq eldigimizge syn emes pe? Sondyq­tan da osy rette bir­neshe is-shara­lar josparlanyp otyr. Elbasymyz bir suhbatynda «Táýelsizdiktiń úsh jetistigi bar, birinshisi, biz Táýelsiz memleket boldyq, ekinshisi, Astanamyzdy saldyq, úshinshisi, kórshi, sheteldermen yntymaqtastyǵymyz artty» degen edi. Shynyn aıtqanda, osynyń barlyǵynyń avtory Elbasy Nursultan Nazarbaev deýge tolyqtaı negiz bar. Endigi maqsat – mańdaı termen kelgen erkindiktiń eńsesin tómen túsir­meý. Tatýlyǵymyzdyń tamyryn keńge jaıý», dedi Ulttyq mýzeı dırektory Darhan Myńbaı. Kesh barysynda Ulttyq óner ýnıversıtetiniń stýdentteri Elbasynyń sózine jazylǵan án­derdi oryndap, qonaqtardyń ystyq yqylasyna bólendi. Raýan QAIDAR, «Egemen Qazaqstan»