Memleket basshysynyń meıirimin sezindim

Men de táýelsiz eldiń túlegimin. Shırek ǵasyr ishindegi elimniń búkil qol jetken jetistiginiń kóbi bala kezimnen bastap, osy kúnge deıin kóz aldymda tur. О́tken ǵasyrdyń 90-shy jyldaryndaǵy qıyn kez de emis-emis esimde. Odan keıingi jyldary mektep tabaldyryǵyn attadym, bilim aldym. Ásirese, myna bir oqıǵa men úshin erekshe dep bilemin. 2000 jylǵy Elbasy shyrshasy Qaraǵandy qalasynda ótti. Oǵan qatysatyndardyń arasynda men de júrdim. Tuńǵysh Prezıdentimiz Nursultan Ábishuly sol shyrshaǵa qatysady degen kúnnen bastap, biz qyzý daıyndyq jasadyq. Ulttyq kıimderimizdi ázirlep, neshe túrli án-bıdi sol sharaǵa oraılastyra otyryp ázirledik. Kútken kún de keldi. Elbasymen júzdestik. Sol sáttegi Nursultan aǵanyń bizge aıtqan árbir sózi meniń esimnen ketpeıdi. Bizdi er­kin eldiń urpaǵy dep, memleketimiz­diń bolashaǵy ekenimizdi de aıtty. Árqaısymyzǵa jeke-jeke syı­lyq­tar tapsyryp, ónerimiz­di tamashalady. Tipti, án áýenin bizben birge qosylyp aıtqan­da, «Búkil jurtymyzdy bastap kele jatqan azamat ta osyndaı ánge qosylady eken-aý!» dep tańǵaldyq. Elbasyna gúl aparyp tapsyr­ǵanda ol kisi bizdiń mańdaıymyzdan sıpaǵanda alaqanynan bir jan dúnıeńdi tebirentetin jylýdy sezingenim bar. Qoshtasar sátte: «Biz senderdi baqytty etý úshin jumys jasap jatyrmyz. Erteń senderdiń aralaryńnan da úlken azamattar shyǵady. Ol úshin jaqsy oqyńdar, jyl saıyn Jańa jyl shyrshasynda osylaı júzdese bereıik!» degen ataly sózi meniń keýdemde jattalyp qaldy. Prezıdentti teledıdardan, gazet betterinen kórgende ol kisiniń sol kezdegi meıirimi esime túse beredi. Qaraǵandy mem­lekettik ýnı­­versıtetiniń ekono­mıka fakýl­te­tin bitirip, «Qazaqmystyń» saq­tan­­dyrý kom­panııasynda qyzmet istep júrmin. Turmysqa shyǵyp sha­­ńy­raq kóterdik. Osynyń, bári Elbasy Nursultan Nazarbaev­tyń aq batasynyń arqasy dep bile­min. Biz Máńgi Eldiń urpaǵy retinde Otanymyzdyń al­tyn diń­gegi bolyp, aldyńǵy tolqyn aǵalardyń izin basyp, isin jalǵaý paryz dep bilemin. Elbasymen bolǵan sol kezdesýdegi sýretti de qosyp otyrmyn. Gaýhar ÁLIMJANOVA, qarjyger Qaraǵandy oblysy