О́ńirdiń oń ózgerisi – Táýelsizdik jemisi

Qazaqstan halqy budan shırek ǵasyr buryn, ıaǵnı 1991 jyldyń 1 jeltoqsanyndaǵy prezıdenttik saılaýda Nursultan Nazarbaevqa daýys berip, Elbasy retinde el tizginin ustaýǵa senim bildirdi. Sodan bergi kezeńde táýelsiz Qazaqstan álemge tanyldy. Ulttyq ekonomıka ár salada jandandy. Halyqtyń áleýmettik ahýalyn jaqsartý baǵytyndaǵy san alýan reformalar jemisin berdi. Bir sózben aıtqanda, el eńse tiktedi, álemdik órkenıettiń ıgilikterine qol jetkizdi. Táýelsizdik jyldaryndaǵy jasampaz isterdiń jarqyn mysaly Atyraý oblysy turǵyndarynyń ómirinde laıyqty kórinisin tapty. О́ńirde táýelsizdik jyldarynda, ásirese bilim berý men densaýlyq saqtaý salasy ońdy ózgeristerge toly boldy deýge negiz bar. Oǵan mysal retinde 80 mektep pen 18 mektepke deıingi tárbıe oshaǵynyń, 1 kolledj ben 5 mektep-ınternattyń, sonymen birge, 63 jańa úlgidegi emdeý nysanynyń boı kótergenin aıta alamyz. Álemniń 50-den astam elimen ekonomıkalyq, iskerlik baılanys ornatqan munaıly Atyraýda qazir 700-den asa birlesken jáne sheteldik kompanııalar jumys jasaıdy. – Qazaqstandyqtardyń tarıhı tańdaýy bolǵan Tuńǵysh Prezı­dent kúni merekesi táýelsizdiktiń negi­zin qalaýshy Elbasy Nursultan Nazarbaevqa degen zor senimi men aıryqsha qurmeti retinde belgilendi. Qazaqstan 25 jylda talaı qıyndyqty eńserdi. Elbasynyń sarabdal saıasaty­nyń nátıjesinde búginde álemdik qaýym­dastyqta laıyqty orny bar irgeli memleketke aınaldyq. Bizdiń alǵan baǵytymyz, jetetin mejemiz aıqyn, – dedi oblys ákimi Nurlan Noǵaev merekege oraı ótken saltanatty sharada. Merekelik sharada óńirdiń ár salasynda eńbegimen tanylǵan bir top úzdik mamanǵa syı-sııa­pat jasaldy. О́ńir ónerpaz­dary konserttik baǵdarlama usyn­dy. «Samal» tobymen birge «Altynaı», «Qazaǵym» ánderin tartý etken belgili ánshi U.Jol­dasov Rınat Zaıytovtyń áni men sózine jazylǵan «Qazaǵym» ániniń tusaýyn kesti. Joldasbek ShО́PEǴUL, «Egemen Qazaqstan» ATYRAÝ