N.Á.Nazarbaev týraly álemniń kórnekti saıasatkerleriniń pikirleri osyndaı
Vladımır PÝTIN,
Reseı Federasııasynyń Prezıdenti:
– Biz Reseı – Qazaqstan qatynastaryn damytýǵa Sizdiń qanshalyqty zor jeke yqylasyńyzdy bóletinińizdi kórip otyrmyz. Osy tikeleı at salysýdyń arqasynda bizdiń qarym-qatynastarymyz óte tıimdi túrde ári jedel qarqynmen damyp keledi. Eki memleket arasyndaǵy taýar aınalymynyń kólemi óse túsýde.
Siz ıntegrasııalyq úderisterde, ásirese, onyń eń mándi nysandary men túrleri boıynsha sózsiz kóshbasshysyz. Qazaqstannyń qol jetkizgen tabystary Sizdiń atyńyzben tikeleı baılanysty. Sizdiń eńbegińizdi óz otandastaryńyz ǵana emes, mıllıondaǵan reseılikter de shynaıy qurmet tutady.
Siz eýrazııalyq keńistiktegi ıntegrasııalyq úderisterdiń naǵyz arhıtektory bolyp eseptelesiz.
Sı SZINPIN,
QHR Tóraǵasy:
– Azııadaǵy ózara is-qımyl jáne senim sharalary jónindegi keńestiń bastamashysy – Nursultan Nazarbaev. Biz onyń úlken saıası kóregendigi men aımaqtyq qaýipsizdik pen álemdegi beıbitshilikti qamtamasyz etýdi óziniń paryzy sanaıtyn qasıetine tántimiz.
AО́SShK-ni qurý týraly ıdeıany alǵash ret Qazaqstan Prezıdenti Nursultan Nazarbaev 1992 jyly BUU Bas Assambleıasynyń 47-sessııasynda jarııa etken bolatyn. Bul bastama búginde óz ómirsheńdigin dáleldep, Azııa elderi arasynda bedeli bıik, abyroıy asqaq, aýqymdy uıymǵa ulasty.
Barak OBAMA,
AQSh Prezıdenti:
– О́z táýelsizdigin alǵan kezeńnen beri Qazaqstan mádenı, konfessııalyq jáne etnostyq alýandyǵynan qýat alýyn jalǵastyryp keledi. Úkimet pen halyq orasan áleýetin tanytatyn naryqtyq ekonomıka qurdy. Qazaqstan halqy osy jetistikterin oryndy maqtanysh ete alady. AQSh pen Qazaqstan arasyndaǵy strategııalyq áriptestik týraly únqatysý qazirgi zamanǵy shaqyrýlardy sheshýge degen ortaq ustanymdarymyzdyń kýási bolyp tabylady. Men Qazaqstanǵa Aýǵanstandaǵy jaǵdaıǵa baılanysty naqty ustanymy úshin rızashylyq bildiremin. Sizdiń ultaralyq jáne dinı tózimdilikti ilgeriletýdegi kúsh-jigerińizdi joǵary baǵalaımyn.
Pan Gı MÝN,
Birikken Ulttar Uıymynyń Bas hatshysy:
– Álemdik jáne dástúrli dinder lıderleriniń sezine qatysýshylardyń barlyǵyna sálem joldaý men úshin zor abyroı. Men Prezıdent N.Nazarbaevqa jáne Qazaqstan Respýblıkasynyń Úkimetine osyndaı asa qajetti únqatysýǵa búkil álemnen dinı lıderlerdi jınaǵany úshin alǵys aıtamyn.
Toleranttylyq, qurmet, búkil adamzattyń ózara túsinistigi men teń quqyly bolýy sııaqty jalpyadamzattyq qundylyqtar barlyq dinniń ózegi bolyp tabylady, sondaı-aq, ol Adam quqyqtarynyń búkilálemdik deklarasııasynda bekitilgen. Qandaı bolmasyn din jolyn ustanatyn adamdardy beıbitshilikke jáne laıyqty ómirge umtylys biriktiredi. Úlken bir otbasynyń músheleri sııaqty biz ortaq problemalarmen jáne qaýip-qaterlermen betpe-bet kelemiz, barlyq dinge senýshiler ortaq iske óz úlesin qosqan jaǵdaıda ǵana olardy eńserý múmkin bolmaq.
Devıd KEMERON,
Ulybrıtanııa jáne Soltústik Irlandııa Birikken Koroldiginiń burynǵy Premer-mınıstri:
– Men eń alǵash Sizdiń elge saparmen kelgenime qýanyshtymyn. Bizdiń ekijaqty qatynastarymyz jańa deńgeıge kóteriletinin zor qýanyshpen atap ótkim keledi. Oǵan elderimiz arasyndaǵy strategııalyq seriktestik týraly kelisim aıqyn dálel bolady.
Qazaqstan búginde Sizdiń basshylyǵyńyzben qarqyndy damyp keledi. Qazaqstannyń yqpaly aldaǵy ýaqytta da arta beretinine senimdimiz. Bizder Aýǵanstan boıynsha birlesken jumysty belsendi túrde damytýdamyz. Qazaqstan bul máselede mańyzdy jáne oń ról atqarady. Qazaqstannyń bolashaǵy zor, al Ulybrıtanııa osy bolashaqtyń mańyzdy bóligi bola alady.
Angela MERKEL,
GFR Kansleri:
– Jaýapty mindetterdi ári qaraı atqarýyńyzda Sizge zor tabystar men sáttilik tileımin. Ekonomıkalyq, qoǵamdyq jáne saıası reformalardy júrgizýde Qazaqstan budan bylaı da Germanııa tarapyndaǵy qoldaýǵa senim arta alatyn bolady.
Aleksandr LÝKAShENKO,
Belarýs Respýblıkasynyń Prezıdenti:
– Biz ár joly Astanada bolǵanda, ózimizge áldene alýǵa tyrysamyz. Bul qalada ozyq tehnologııa, qyzǵylyqty arhıtektýralyq oılar bar. Qazaqstandy biz Belarýs úshin eń tıimdi jáne perspektıvaly seriktes retinde tanyp kelemiz. Sizdiń elde biz úshin ártúrli jobalardy júzege asyrýǵa eshqandaı problema joq. Bul yntymaqtastyǵymyzdyń deńgeıi joǵary ekenin kórsetedi.
Rım Papasy Benedıkt XVI:
– Joǵary mártebeli Qazaqstan Respýblıkasynyń Prezıdenti Nursultan Nazarbaev myrza!
Qazaqstan Respýblıkasynyń ulttyq merekesi Sizge jáne Qazaqstan halqyna beıbitshilik pen órkendeý ıgi tilekterimdi joldaýyma qýanyshty múmkindik týǵyzyp otyr.
Elińizdiń Táýelsizdiginiń merekesine oraı, Jaratýshy elińizdiń turǵyndarynyń neǵurlym úılesimdi ári ádiletti qoǵam qurýyna qýat berip, olardyń otbasylyq, áleýmettik jáne ulttyq ómirleri nurly bolyp, mádenı jáne rýhanı qundylyqtardy qurmetteýdi násip etsin dep tileımin.
Joǵary mártebeli, Sizge jáne eldiń barlyq azamattaryna Jaratqannan shapaǵat tileımin.
KIRILL,
Máskeý jáne Búkil Reseı Patrıarhy:
– О́skeleń urpaqpen dinı-aǵartýshylyq jumys júrgizý bilimdi jáne úılesimdi qoǵam qurýǵa aıtarlyqtaı úles qosyp, ultaralyq qatynastardaǵy shıelenis deńgeıin tómendetýge jaǵdaı jasaı alar edi, bul bolashaqta qazirgi zaman betpe-bet kelip otyrǵan kóptegen problemalardan qutylýǵa kómekteseri anyq.
Qazaqstan Respýblıkasynyń Prezıdenti Nursultan Ábishuly Nazarbaevqa dinaralyq únqatysýdy qoldaǵany, ártúrli din ustanýshylardyń júregine jaqyn beıbitshilik pen ózara kómek ıdeıalarynyń jolyn ustanǵany úshin shynaıy rızalyǵymdy bildiremin.
Abdýlla GÚL,
Túrkııa Respýblıkasynyń 11-shi Prezıdenti:
– Ár saparymda órkendeı túskenine kýá bolyp júrgen Astana qalasy – Qazaqstannyń dınamızmi men Prezıdent Nazarbaev myrzanyń kóregendiligin beıneleıtin eń úlken týyndy. Astananyń qurylys jumystaryna túrik kompanııalary men jumysshylarynyń da úles qosýyn túrik-qazaq yntymaqtastyǵynyń eń ásem nyshandarynyń biri retinde baǵalaımyz.
Lamberto ZANER,
EQYU-nyń Bas hatshysy:
– Biz Qazaqstanmen jumys isteý ádisin jańartýdy qalaımyz. Mundaǵy qyzmetimdi tolyqtaı jańǵyrtýǵa múddelimiz. Sondaı-aq, qaýipsizdik turǵysyndaǵy is-sharalardyń asa mańyzdylyǵyn atap ótkim keledi. Atlantıkadan Vladıvostokqa deıingi aýmaqta turaqtylyqtyń saqtalýyn qadaǵalaý basty mindetimiz. Qaýipsizdik sharalary keshendi túrde júrgizilýi úshin birlese qadam jasaýymyz qajet.
Emomalı RAHMON,
Tájikstan Prezıdenti:
– Ashyq-jarqyndyǵy, shynshyldyǵy, tartymdylyǵy, adamǵa súıispenshiligi – munyń bári de Nursultan Ábishulynyń tabıǵatyna tán qasıetter.
Qazaq jurtynyń, eliniń kóp ultty halqynyń aldyndaǵy, tarıhtyń aldyndaǵy joǵary jaýapkershilik sezimi onyń boıynan ámanda ajyraǵan emes.
Ol uly uıymdastyrýshy retinde Qazaqstandy Keńesten keıingi keńistiktiń damyǵan memleketteriniń birine aınaldyrdy. Qazaqstannyń áleýmettik-ekonomıkalyq saladaǵy tabystary taǵylym alarlyq.
Naǵyz basshy ǵana osyndaı nátıjelerge jete alady, bul jaǵynan alǵanda, Nursultan Ábishuly – óz halqynyń daýsyz basshysy.
Fransýa OLLAND,
Fransýz Respýblıkasynyń Prezıdenti:
– Fransııa Ortalyq Azııadaǵy iri ekonomıkasy bar el – Qazaqstanmen yntymaqtastyqqa múddeli. Sizderdiń elderińiz ekonomıkalyq damý jónindegi maqsattaryn tabysty júzege asyryp qana qoıǵan joq, ol sondaı-aq, óziniń kórshilerimen teń dárejede únqatysý júrgizip, iri saıası máni bar oqıǵalarǵa yqpal etýge múmkindik beretin mańyzdy saıası jáne dıplomatııalyq ról atqarady.
Mılosh ZEMAN,
Cheh Respýblıkasynyń Prezıdenti:
– Qazaqstan men Chehııa arasyndaǵy túrli saladaǵy yntymaqtastyqty damytýdyń mańyzy zor. Búginde jańa Jibek jolynyń áleýetin ashý baǵytynda jumystar júrgizilip jatyr. Biz Sizdiń eldiń qazirgi damýyna ǵana emes, onyń áleýetine de Ortalyq Azııadaǵy mańyzdy oryn alatynyn eskere otyryp baǵa beremiz.
Almazbek ATAMBAEV,
Qyrǵyz Respýblıkasynyń Prezıdenti:
– Qyrǵyzstanda eleýli energetıkalyq problemalar bar. Osy jáne basqa da kóptegen máselede bizge kómek kórsetkenińiz, bizdiń júregimiz ben jadymyzda árdaıym saqtalady. Mundaı yqylas pen qoldaýǵa búkil Qyrǵyzstan halqy dán rıza. Osy jyldar ishinde Sizdiń el qandaı sekiris jasaǵanyn biz kórip otyrmyz.
Ilham ÁLIEV,
Ázerbaıjan Prezıdenti:
– Ázerbaıjan men Qazaqstandy kóp ǵasyrdan beri jalǵasyp kele jatqan dostyq, tatý kórshilestik pen yntymaqtastyq baılanystyrady. Men osy jaqsy dástúrlerge negizdelgen bizdiń memleketaralyq qarym-qatynasymyz tatý halqymyz ben elderimizdiń ıgiligi úshin bolashaqta da damıdy dep senemin.
Narendra MODI,
Úndistannyń Premer-mınıstri:
– Qaıta saılanýyńyz Qazaqstan halqynyń Sizdiń kóregen kóshbasshylyńyzǵa degen seniminiń jarqyn aıǵaǵy bolyp tabylady. Sizge qarqyndy damyp jáne órkendep kele jatqan ult qalyptastyrý jolyndaǵy kúsh-jigerińizdiń tabysty bolýyn tilegim keledi. Qazaqstan Sizdiń basshylyǵyńyzben ilgerileý men damýdyń jańa satysyna aıaq basatynyna senimdimin. Sizdiń qoldaýyńyzben túrli saladaǵy yntymaqtastyǵymyzdy bolashaqta budan da joǵary deńgeıge kótere alatynymyzǵa senimdimin.
Hasan RÝHANI,
Iran Islam Respýblıkasynyń Prezıdenti:
– Halyq jasaǵan tańdaý bizdiń ekijaqty yntymaqtastyq aıasynda josparlanǵan baǵdarlamalardy júzege asyrýda jemisti jumys isteýimizge jaqsy múmkindik beredi. Sizge myqty densaýlyq pen zor tabys, al dostas Qazaqstan halqyna baq-bereke tileımin.
Salman Ben Ábdel
Ázız ÁL SAÝD,
Saýd Arabııasynyń Koroli:
– Osy múmkindikti paıdalana otyryp, biz Saýd Arabııasy men Qazaqstannyń arasyndaǵy baýyrlastyq, dostyq baılanysty joǵary baǵalaıtynymyzdy aıtqym keledi. Baýyrlas elderimiz arasyndaǵy ózara qarym-qatynastardy barlyq salada budan ári de nyǵaıtyp, damyta berýge nıettimiz.
Tonı Tan Ken IаM,
Sıngapýr Respýblıkasynyń Prezıdenti:
– Sıngapýr men Qazaqstan arasynda jaqsy dostyq qarym-qatynas ornaǵan. Sizdiń basshylyǵyńyzben ekijaqty yntymaqtastyqtyń nyǵaıa beretinine senimdimin. Halyqtarymyzdyń ıgiligi úshin ózara yqpaldastyqty damytý maqsatynda birlesip jumys isteımiz dep úmittenemin.
