Tuǵyrly bolsyn teńgemiz

Bizdiń shegendelgen shekaramyz, babalarymyzdan mıras bolyp qal­ǵan baıtaq dalamyz, darhan qazaq­tyń mańdaıyna Qudaı bere salǵan Pre­zıdentimiz bar. El Táýel­siz­digi­niń jıyrma bes jyldyǵy óz al­dyna, Qazaqstan jurtshylyǵy úshin úlken qýanysh, aıryqsha mere­ke. Jer betinde tól rámizderi, tól teń­gesi joq qanshama halyq bar deseńshi. Tórt uldyń anasy, alty neme­reniń ájesi retinde aıtpaǵym mynaý edi, qarasha aıynyń ekinshi aptasynda teledıdardan jańa banknottyń shyqqanyn kórdik. Otbasymyzben qýanǵanymyzdy nesin jasyraıyn. Sol mezette egemen­digimizdiń alǵashqy jyl­dary oıyma oraldy. 1993 jyldyń 13 qarashasynda qoldanysqa en­gizilgen bir teńge esime tústi. Onda ózimizdiń Otyrardan shyqqan álemniń ekinshi ustazy ál-Farabı babamyz beınelengen edi. Tól valıýtamyzdy qolymyzǵa ustap, shat-shadyman kúı keshkenimiz qalaı esten shyqsyn?! Mine, sol oqıǵadan beri de jıyrma úsh jyl syrǵyp óte shyqty. Búgin biz Elbasy Nursultan Nazarbaev­tyń beınesi engizilgen bank­notty kórip otyr­myz. Muny da derbes eldiń tarıhyn­daǵy erekshe oqıǵa der edim. AQSh-tyń tuńǵysh prezıdenti Vashıng­ton­­nyń da beınesi olardyń dol­larynan kórinis tapqan. Al bizdiń Kóshbasshymyzdyń beınesi – tól teńgemizde. Jáne munyń tup-týra 1 jeltoqsan – Tuńǵysh Pre­zıdent kúninde qoldanysqa en­gizilýi – nur ústine nur jaýǵany da! Men jalaqymdy alǵanda tarıhı mańyzy zor bul bank­notty óz nemerelerim men oqý­shy­laryma mindetti túrde kór­setemin. Jańa teńgeniń máni men mańyzy jaıynda túsindirip aıtatyn bolamyn. Ras, bizdiń Memleket basshysynyń táýel­sizdik jyldaryndaǵy eńbe­gin, halyqtyń órleýine, órken­deýine qosqan úlesin, ulttar dos­tas­tyǵyn nyǵaıtýǵa sińirgen erik-jigerin, mańdaı terin, qandaı sheshen bolsaq ta, jetkizý qıyn. Sondyqtan da on jeti mıllıon halyqtyń oǵan degen qurmeti men izeti bólek. Sondyqtan da analyq peıilmen tól teńgemizdiń tuǵyrly bolýyn tileımin. Ozıpa Molbosynova, Shymkent qalasy №97 orta mektebi qazaq tili jáne  ádebıeti pániniń muǵalimi