Sot qyzmetkerlerine biryńǵaı kıim úlgisi qarastyrylady

Sottar jumystarynyń qoljetimdiligi men sapasyna azamattardyń qanaǵattanýshylyq deńgeıin anyqtaýǵa baǵyttalǵan online-saýalnamalaý sheńberinde, respondentter basqa usynystarmen qatar, sot qyzmetkerleri úshin biryńǵaı kıim úlgisin engizý qajettiligi týraly aıtyldy. Joǵarǵy Sotta talqylanǵannan keıin negizdi dep tanylǵan azamattardyń usynystaryn júzege asyrý maqsatynda sot qyzmetkerlerin sot prosesiniń qatysýshylarynan ereksheleýge múmkindik beretin japsyrmasy bar ustamdy tústik gammada oryndalǵan nysandy kıim eskızi ázirlendi. Pılottyq tártipte Aqtóbe, Almaty jáne Mańǵystaý oblystarynyń sottarynda qujattardy qabyldaý men tirkeýdi júzege asyratyn sot qyzmetkerleri jáne sot májilisteriniń hatshylary nysandy kıim úlgisimen qamtamasyz etildi. Qalǵan aımaqtarda sot qyzmetkerlerin nysandy kıimmen 100 % qamtamasyz etý jumysy júrgizilýde. Osy jobany júzege asyrýdyń jaǵymdy nátıjelerin eskere kele, barlyq óńirlerde sot qyzmetkerlerin biryńǵaı nysandy kıimmen turaqty negizde qamtamasyz etý máselesi talqylanýda. Sharanyń memlekettik bıýdjetten qosymsha shyǵyndarsyz júzege asyrylǵandyǵyn atap ótken jón.