Semeıdegi tatar áýeni

«Kózge ırtysh mońnary» HVII halyqaralyq Tatar festıvali El táýelsizdiginiń 25 jyldyǵyna arnaldy Bıylǵy jyly Tatar óneriniń jyl saıynǵy festıvali óziniń aımaǵyn edáýir keńeıtkendigi baıqaldy. Bul mereke «Kózge Irtysh mońnary» dep ataldy. Qatysýshylar men qonaqtar Astana, Kókshetaý, Pavlodar, Novosibir, Qazan, Tomsk, Tobolsk qalalarynan kelipti. Festıvaldiń bas uıymdas­ty­rýshysy – Ertis óńirindegi «Hak» tatar jáne bashqurt qaýymdastyǵynyń tóraǵasy, «Tatar óner mektebiniń» dırektory Gabdýlhaq Ahýnjanov. Onyń aıtýynsha, festıvaldiń baǵdarlamasy bes nomınasııadan quralǵan: aspaptyq mýzyka, vokaldyń barlyq túri, horeografııa, kórkem sóz. Jáne alǵash ret, sándik-qoldanbaly óner de pash etildi. Qoldanbaly óner nomınasııa­syndaǵy qatysýshylar Nevzorovtar otbasy atyndaǵy oblystyq beıneleý óneri mýzeıinde óz kórmelerin aıqara jaıyp saldy. Ekspozısııa eki bólimnen turady. Onda tatar halqynyń sándik-qoldanbaly óneriniń zattary men HIH-HH ǵasyrlardaǵy kóne buıymdary el nazaryna usynyldy. Mádenı shara ónerpazdardyń qatysýymen ótken Gala konsertte qorytyndylandy. El Táýelsizdiginiń mereıtoıyna arnalǵan festıval halyqtar arasyndaǵy dostyqty, mádenı baılanysty nyǵaıtýǵa baǵyttalǵan. Maqsat – tatar óneri men máde­nıetin saqtap, damytý, deıdi uıymdastyrýshylar. – Aldyńǵy jyldardaǵydaı, festıvalge ártúrli ult ókilderi qatysýda, – dedi Gabdýlhaq Ahýn­janov, – óıtkeni, óner bárine ortaq. Sharany tamashalaýǵa da túrli ult ókilderi kelip otyr. Festıval ultaralyq qarym-qatynasty nyǵaı­týdy kózdeıdi. О́ner kórmesinen bólek, án-jyr festıvaline 500-ge jýyq adam qatysty. Eresektermen qatar, balalar da óner dodasyn qyzdyrdy. Olar 2 kún boıy, vokal, bı jáne aspapta oınaý syndy janrlarda ónerlerin kórsetti. Qatysýshylardyń arasynda kásipqoı óner ıeleri jáne  áýesqoılar da bar. – Festıval kezinde kóptegen qyzyqty jaıttardyń kýási boldyq, – dedi Tatarstannan kelgen qatysýshy Chýlpan Ahmedıanova, osynda bizdiń tatarlardyń arasynda dıalekt sózder bar ekenin ańǵardyq. Ásirese, sharaǵa balalardyń kóp qatysýy bizdi qýantady. Iаǵnı, olardyń osyndaı festıvalder arqyly aǵa urpaqtan úıreneri kóp. Aıta keterligi, tatar óneriniń festıvali Qazaqstanda tek Semeıde ǵana uıymdastyrylady. О́ner báıge­sin ótkizýde belsendilik tanyt­qan uıymdastyrýshylar men qatysýshylar Tatarstan Respýb­lıkasy Mádenıet mınıstri men Dúnıejúzilik tatar Kon­gresiniń alǵyshat, dıplomdarymen marapattalyp, estelik syılyqtarǵa ıe boldy. «Kózge Irtysh mońnary» degen sóz «Kúzgi Ertis áýenderi» degen maǵynany beredi eken. Raýshan NUǴMANBEKOVA