Halyq qasıetin aıshyqtaǵan

Astananyń Táýelsizdik alańy­nyń tórine ornatylǵan «Qazaq Eli» monýmentine kelgen qonaq­tarymyzdyń bas ımeıtini joq. Elordamyzda ár kez bolatyn úlken is-sharanyń barlyǵy osy Táýel­sizdik alańynda ótet­­i­ni belgili. Eńsesi bıik tuǵyrǵa or­na­ty­lǵan, qanatyn jaıǵan dala­nyń alyp qusy altyn Samuryq qusymyzdy uqsata bilgen Sembiǵalı Abzal­bek­ulynyń suń­qar shabytynan týǵan osyn­daı baǵa jetpes týyndy táýelsiz­dig­imiz­diń sımvolyna aınaldy. Qazaqta «Segiz qyrly, bir syrly» degen qanatty sóz bar. Qazaqstanyń eńbek sińirgen qaırat­keri, Belgııadaǵy «Internasıonal sýretshiler odaǵynyń» múshesi, «Búkil álemniń beıbitshilik sýret­shisi», Eýroparlamenttiń «О́ner kavaleri» ordeniniń ıegeri, professor Sembiǵalı Smaǵulov – ózi týraly kópke syryn asha bermeıtin, kóp jumys jasaıtyn jannyń biri. Onyń qolynan shyqqan beıneleý óneriniń alýan túrli moný­mentti kórkem beınelerin, músin­derin, Qazaqstannyń kóp jeri­nen kezdestiresiz. Monýmentti óner týyndylary elordamyz Astananyń tórinde memlekettik jáne álemdik mańyzǵa ıe ǵımarattarda: «Astana Opera», «Saltanat Saraıy», «Dýman» oıyn-saýyq ortalyǵy, «Aljır» mýzeıinde tur. Halyqtyń qazynasyna aınalǵan júzden asa óner týyndylary jurttyń erekshe nazaryn aýdaryp keledi. Qylqalam ıesiniń týyndy­laryn qarap otyrsań, qazaq hal­qyna tán salt-dástúr men batyr­lyqty baılanystyra bilge­nin baı­qaısyz. Bul – onyń sheber­ligi­niń, talantynyń, jankeshti eń­beginiń arqasynda ushtalǵan qol­­tańba. О́nerdi ómirine serik et­ken sýret­shiler qaýymy júris-tury­­sy­men, kıim kıisimen keıde ashyl­­maıtyn qazynadaı, sheshil­meıtin jumbaqtaı kóri­nedi. О́ner adam­darynyń, ásirese, sýret­shiler­diń qaı-qaısy­sy da jan dúnıesin birden ashyp, boılata bermeıdi. Sembiǵalı da solaı. Oıynda tek shyǵarmashylyq. Izdeseń kúndiz-túni sheberhanasynan tabylady. Bastaǵan oıyn shashyratyp almaý úshin kópshilikke kóp bara bermeıtin jannyń biri. Jýyrda «Babalar ańsaǵan Táýelsiz­dik» kórmesine arnaıy jazǵan, áli boıaýy keppegen úlken týyn­dysynyń aty aıtyp tur­ǵandaı, somdalǵan «QUNANBAI» obrazyna qarap, alyp Abaıdy dúnıege ákelgen ákeni baıqaısyń. Bul sýretten ár adam óziniń rýhanı baılyǵyn keńeıtýge, jan dúnıesiniń jumbaq syryn uǵýǵa umtylady. Kesek-kesek reńdik áserlerdi aıqyndaý, boıaýlardy úılestirý arqyly Qunanbaı obrazyn ashyp, onyń qaırat-qajyryn, Abaıdyń ákesi derlik aqyl-parasatyn, azamattyq birtýarlyǵyn kórsete bilgen. «Qazaq Eli» monýmenti Qazaq eliniń ótkeni men búgi­nin toptastyrýǵa tyrysqan kompozı­sııa­lyq mazmuny mol keshen ǵana emes, al halyq rýhynyń máńgi­ligin, memlekettiń tutas­tyǵyn, irgesiniń beriktigin ańǵartatyn belgi. Erteńgi urpaqqa «Qazaq Eli» monýmenti men Qazaqstan Res­pýb­lıkasy Táýelsizdiginiń 25 jyl­d­yǵy birdeı qymbat bolaryna da senimimiz mol. Osylaısha dúıim jurttyń al­dyn­da shymyldyq túrip, bas shahary­myzdyń shyraıyn keltir­gen, óziniń tórt qubylasyna áleý­met­tik, ekonomıkalyq, saıası jáne rýhanı qundylyqtardy teńdeı toǵystyrǵan alyp keshen táýelsiz eldiń zor múmkindikterin, ishki áleýet-qýatyn áli talaı pash ete bermek. Alda «Qazaqstan Táýelsizdigi» monýmenti asqaqtaýy kerek. San qyrly óner ıesiniń buǵan da óz úlesin qosaryna kúmán joq. Sebebi, Sembiǵalı Smaǵulov ónerdiń osy ǵajap salasynda halqymyzdyń qormal qasıetterin aıshyqtaı otyryp, Táýelsizdigimizdiń, ulttyq tarıhymyzdyń jyrshysyna aınalǵan adam. Rysbek ASQARULY ASTANA