Tynyq muhıty alıansy elderi

EKSPO-2017 halyqaralyq kórmesinde ortaq pavılon ashady Chılı Syrtqy ister mınıstrligi Tynyq muhıty alıansynyń EKSPO-2017 halyqaralyq mamandandyrylǵan kórmesine qatysatynyn resmı túrde rastady. Chılı, Perý, Kolýmbııa jáne Meksıka ortaq pavılon ashatyn bolady. Osymen, búgingi tańda, 111 el EKSPO-2017 halyqaralyq mamandandyrylǵan kórmesine qatysatynyn resmı túrde rastap otyr. Kórmeniń «Bolashaqtyń energııasy» taqyryby Tynyq muhıty alıansy elderine ózekti, óıtkeni, bul elder jańartylatyn energııa kózderin keń qoldaný múmkindigin belsendi túrde zertteýde. Máselen, Chılıde kún energııasy taý-ken ónerkásibine qaraǵanda jıi qoldanylady. Eń iri fotoelektrlik kún sáýlelik elektr stansasy – «Catama Solar» jylyna 2,62 GVT energııa óndiredi. Meksıkada 2018 jylǵa jel jáne bý stansalaryna 5 mlrd dollar ınvestısııa salý josparlanyp otyr. 2018 jyldyń aıaǵynda eldiń fotoelektr salasynda belgilengen 67 MVT qýaty 1300 MVT qýatqa deıin ulǵaıady, sóıtip, sarapshylardyń baǵalaýynsha, energetıka salasynyń Latyn Amerıkasy naryǵynda bedeli ósedi. Búgingi tańda Perýdiń elektr energetıkalyq qýatynyń 54 paıyzy jańartylatyn energııa kózderi, atap aıtqanda, sý elektr stansalary quraıdy. Jaqyn ýaqytta bul kórsetkish 60 paıyzǵa ulǵaıady dep kútilýde. Kolýmbııada 400 MVT qýat óndiretin «El Quimbo» sý elektr stansasy iske qosylǵan. Sonymen birge, Kolým­bııa búginde Medelın qalasyndaǵy ýnıversıtettiń profes­sorlary men stýdentteri jasaǵan kún energııasy arqyly júretin tuńǵysh avtomobılimen tanymal bola bastady. Buǵan deıin Qazaqstan Respýblıkasy SIM-i EKSPO-2017 hatshylyǵy men Qazaqstannyń jáne Brazılııadaǵy elshiliginiń ókilderi Chılı tarapynyń shaqyrýymen alıanstyń birqatar ortaq is-sharalaryna qatysqan bolatyn. Atap aıtqanda, ústimizdegi jyldyń 14 qazanynda Chılı astanasy – Santıagoda oryn alǵan Tynyq muhıty alıansyna múshe memleketter syrtqy ister mınıstrleriniń orynbasarlary deńgeıindegi jıynnyń sheńberińde qazaqstandyq dıplomattar kórme týraly tusaýkeser ótkizip, onyń taqyrybynyń ózektiligin atap ótken edi, sondaı-aq, obektilerdiń salyný barysy, olardy tapsyrý ýaqyty, elderdiń qatysý múmkindikteri men sharttary týraly aıtyp bergen bolatyn. Tynyq muhıty alıansy 2012 jyldyń 6 maýsymynda Chılıdiń Antofagasta qalasynda qatysýshylardyń negizdemelik kelisimge qol qoıýlary arqyly tórt Latyn Amerıkasy elderi – Chılı, Perý, Kolýmbııa jáne Meksıka arasynda qurylǵan bolatyn. Atalǵan ekonomıkalyq odaqqa qatysýshy memleketter Qazaqstan Respýblıkasyndaǵy elshilikterinen bólek, elimizde ortaq dıplomatııalyq jáne saýda ókildikterin ashýdy kózdeıdi, dep habarlady EKSPO-2017-niń baspasóz qyzmeti.