«Táýelsiz Qazaqstan» poıyzy – Tarazda

Elimizdiń alys túkpirlerindegi beketterge aıaldap, óńirlerdiń ekonomıkalyq ahýalymen, halyqtyń áleýmettik jaǵdaıymen tanysyp, olarǵa dárigerlik, kásipkerlik, áleýmettik, quqyqtyq, aýylsharýashylyq máseleleri boıynsha qabyldaý ótkizip, saýaldaryna jaýap qaıtaryp, keńes berý úshin jolǵa shyqqan «Táýelsiz Qazaqstan» poıyzy Taraz qalasyna kelgen edi. Kóne qalaǵa bul poıyz túnniń bir ýaǵynda kelip toqtasa da, kerýendi qarsy alýshylardyń qarasy mol boldy. – Tarıhy tereńnen bastaý ala­tyn bizdiń qalamyzǵa alys­tan kel­gen­derińizge sheksiz alǵysy­myzdy bil­diremiz, – dedi saltanat­ty qarsy alý shara­synda Taraz qa­lasynyń ákimi Nur­jan Kalen­derov. – Uly Jibek jolynda or­na­las­qan halyqaralyq saýda, ǵylym men rýhanı dúnıeniń asa mańyzdy orta­lyqtarynyń biri bolǵan kóne Taraz qa­lasynyń turǵyndary bul poıyz­dy asyǵa kútti desek, ar­tyq aıtqan­dyq emes. Laıym, el Táý­elsizdi­giniń 25 jyl­dyǵy aıasynda qolǵa alyn­ǵan bul is-sharanyń ha­lyqqa tıgizer paıdasy mol bolsyn. Poıyz shta­by­­nyń jetekshisi, pro­fes­sor Ámir­jan Álpeıisov bul sha­ra­­­nyń basty maqsaty – Qazaqstan Res­pýb­lıkasynyń Tuńǵysh Prezıdenti Nursultan Nazarbaevtyń basshyly­ǵymen óz damý jolyn tapqan Qazaq­stan­nyń tabystaryn pash etý, «Máńgilik El» ıdeıasyn jan-jaqty túsindirý, óske­­leń urpaqty otansúıgishtik, izgilik qasıet­terge tárbıeleý, túrli má­denı sharalar sheńberinde mádenı qazy­na­larymyzdy dáripteý, sonymen qatar, dárigerlik, áleýmettik muqtajdyqtardy sheshýge kómektesý ekenin basa aıtty. Sóıtip, keshe kúni boıy poıyz músheleri birneshe jerde qala turǵyn­darymen kezdesip, bıznes, kásipkerlik, aýyl sharýashylyǵy, tutynýshylardyń quqyqtaryn qorǵaý, bilim berý máse­le­leri boıynsha keńester berse, taǵy bir toptar jergilikti halyqqa túrli kómek­ter kórsetti. Taraz qalasynyń turǵyny Elızaveta Orynbaevanyń bir balasy Aýǵan so­ǵysynda opat bolypty. Al bir balasy qazir Shý qalasynda turady. Biraq qart anasyna qamqor bolmaq túgili, múldem habarlaspaıdy da eken. Keıýana búginde otbasylyq jataqhanada jalǵyz ózi kún keshýde. Sondyqtan «Nur Otan» partııasy Jambyl oblystyq fılıalynda ótken qabyldaýǵa kelgen E. Orynbaevany qarttar úıine ornalas­tyrýdy suraıdy. Áleýmettik qorǵaý salasynyń mamandary qarttar úıine ornalasýdyń óz tártibi bar ekenin aıta kele, biraq bul máseleni jaqyn ýaqytta sheship berýge ýáde berdi. Al Taraz qalasynyń taǵy bir tur­ǵyny Elena Býgaevanyń bıylǵy jyl­dyń 3-4 qarashasynda bolǵan joı­qyn daýyldan úıiniń shatyry ushyp ketipti. Sony jóndep, qalpyna kelti­rýdi ótinedi. Taraz qalasy ákiminiń oryn­basary Jaqsylyq Saparalıev bul má­seleden habardar eken. Dál qazir daýyl­dan zardap shekken úıge kelgen shyǵyn quny eseptelip, jóndeýge qarjy qarastyrylypty. Endi bir aptanyń kóleminde merdiger kompanııa úıdi jóndep beretin bolady. Sondaı-aq, О́zbekstannan kóship kelgen zeınetker Jannat Musaeva jeke basyn kýálandyratyn qujattardy joǵaltyp alǵandyqtan, Qazaqstan Respýblıkasy azamattyǵyn rastaıtyn jeke kýálikke qoly jetpeı júr. Bul másele boıynsha kóshi-qon polısııasy jáne ádilet basqarmasy, zeınetaqy tóleý ortalyǵynyń mamandary óz oılaryn ortaǵa salyp, qarııaǵa zań boıynsha jańa qujat jasap berýdiń joldary bar ekenin aıtty. Tipti, jaqyn kúnderde bul máseleni sheshýdi Taraz qalalyq ádilet basqarmasynyń mamandary óz moıyndaryna aldy. Dál osylaısha Mehrı Ishanhanova, Elmıra Momynova jáne basqa da azamattarǵa máseleleri boıynsha tushym­dy jaýaptar berildi. Memleket basshysynyń tapsyr­ma­symen Táýelsizdiktiń shırek ǵasyrlyq merekesine oraı uıymdastyrylǵan bul is-sharada dárigerler qalalyq emhanalarda qabyldaý júrgizdi, kóp­balaly analarǵa kómek kórsetti. Oralhan DÁÝIT, «Egemen Qazaqstan» Jambyl oblysy