Bıylǵy jyldyń birinshi toqsanynda elimizde qurylys salýǵa jáne turǵyn úı satyp alýǵa berilgen zaemdardyń kólemi 65 mıllıard teńge boldy. Sonyń 49 mlrd. teńgesi QTQJB-ǵa tıesili. Sonymen qatar, bank basqa EDB arasynda kredıt qorjynynyń eń joǵary sapasyna ıe. NLP deńgeıi (aǵylshyn tilinde non-performing loan, sózbe-sóz - «Jumys istemeıtin qaryz») 0,49%-dy quraıdy, dep habarlaıdy banktiń baspasóz qyzmeti.
Banktiń Basqarma Tóraıymy Lázzat Ibragımova depozıt qorjynynyń artqany jaıynda sóz etti. Qazirgi kezde ol 455 mlrd. teńgege teń. О́sim halyqtyń bankke degen seniminiń artýyna, sonyń ishinde turǵyn úı qurylys jınaq shartyn jasaý úshin jáne onyń sharttyq somasyn ulǵaıtýǵa ustalynatyn komıssııalyq alymdardyń alynyp tastalynýyna, ulttyq valıýtany túzetýge oraı 20,1 mıllıard teńge ótemaqy tóleýge, sondaı-aq turǵyn úı qurylys jınaq salymdaryna jyl saıynǵy memleket syılyqaqysynyń túsýine baılanysty.
Sondaı-aq, 2016 jylǵy 2014-2013 jyldarǵa arnalǵan banktiń uzaq merzimdi strategııasyn oryndaý esebi bekitilip, qarastyryldy. Oǵan sáıkes, eseptik kezeń ishinde klıentterge qyzmet kórsetý ýaqyty eleýli túrde qysqardy. Osylaısha, shart jasaý ýaqyty 5 esege – 30 mınýttan 7 mınýtqa deıin azaıdy. Kredıttik ótinim 4,5 ese tez qarala bastady. Qazir buǵan nebári 1,5 kún jetkilikti, salystyra ketsek, 2013 jyly osy operasııaǵa 7 kún ýaqyt ketetin edi. Ońtaılandyrý IT salasynda jańa baǵdarlamalyq ónimderdi engizýdiń arqasynda múmkin bolyp otyr.
Sáıkesinshe, qyzmet kórsetý ýaqytynyń qysqarýy klıentterdiń kórsetilgen qyzmet sapasyna qanaǵattanýy deńgeıin arttyrdy. 1-shi toqsannyń qorytyndysy boıynsha, bul kórsetkish 99,17% boldy.
Sondaı-aq, Dırektorlar keńesiniń otyrysynda 2016 jylǵa arnalǵan jyldyq esep qarastyrylyp, bekitildi. Oǵan sáıkes, bank eseptik kezeń ishindegi qyzmettiń barlyq negizgi josparly kórsetkishterine jetken. 2016 jyldyń qorytyndysy boıynsha, QTQJB qazaqstandyq ıpotekanyń úshten ekisin bergen (berilgen ıpotekalyq zaemdardyń kólemi boıynsha úlesi – 67%). Turǵyn úılerdi 25 myń adam satyp aldy.
Budan bólek, 2017 jylǵy 1 sáýirdegi jaǵdaı boıynsha, 2014-2018 jyldarǵa arnalǵan QTQJB damý josparynyń oryndalýy týraly, bıýdjettiń jáne tabystylyq kórsetkishterin, sondaı-aq birqatar ishki qujattar men esepterdi oryndaý týraly esep qarastyrylyp, bekitildi.
