Sharaǵa Astana qalasynyń ákimi Áset Isekeshev, «Astana EKSPO-2017» ulttyq kompanııasynyń basqarma tóraǵasy Ahmetjan Esimov, QR Bilim jáne ǵylym mınıstri Erlan Saǵadıev qatysty.
Kórmede jumys isteý úshin ár aıǵa 1500 adamnan 4,5 myń erikti daıyndalǵan. 800 erikti Qazaqstan aımaqtarynan: Almatydan – 300, Qaraǵandydan – 250, Pavlodar men Qostanaıdan – 100, taǵy 150 erikti jaqyn jáne alys 46 shetelden kelgen. Olardan bólek, qala aýmaǵynda 1500 erikti jumys isteıdi.
- Barlyǵymyz birge 93 kúndi ótkizemiz. Búgin biz úlken joba aldynda turmyz. Buǵan deıin Astanaǵa jylyna 800 myń týrıst kelgen bolsa, endi úsh aı ishinde 2 mıllıon meımandy qarsy alatyn bolamyz. Bul úlken jumys, sondyqtan bizge sizderdiń kómekterińiz, energııalaryńyz asa qajet. Sizderge sáttilik, qajymas qaırat tileımin. Sizder qonaqtar rıza bolyp qaıtý úshin bar bilimderińiz ben kúshterińizdi salatyndaryńyzǵa senemin. 4,5 myń eriktiniń barlyǵy uıymshyl, ádemi, janarlarynda ot, júrekterinde patrıottyq sezimi bar ekenin kórip turmyn. Ahmetjan Smaǵululy, qala ishinde de 1,5 myń erikti jumys isteıtinin jetkizgimiz keledi. Olar táýlik boıy polısııaǵa, emhanalarǵa, áýejaılarǵa, otelderge kómektesetin bolady. Barlyǵy alty tildi erkin meńgergen. Qala eriktileri EKSPO eriktilerimen birge qoıan-qoltyq jumys isteıdi dep oılaımyz. Barlyǵymyz aldymyzǵa qoıǵan mindetti sátti oryndaıtynymyzǵa senemin, - dedi Áset Isekeshev.
Halyqaralyq EKSPO-2017 mamandandyrylǵan kórmesi 10 maýsym kúni ashylady.115 el men 22 halyqaralyq uıymdar balamaly energetıka men jasyl tehnologııadaǵy óz jetistikterin kórsetetin bolady.
