Shyǵarmalar jeti ólshemge saı bolýy tıis

Otyrys barysynda Qazaqstan Respýblıkasynyń Prezıdenti Ákimshiligi Ishki saıasat bóliminiń meńgerýshisi Aıda Balaeva búginge deıin jumys toby 4 negizgi baǵyt – ádebıet, teatr jáne kıno, klassıkalyq jáne dástúrli mýzyka, beıneleý óneri boıynsha zamanaýı mádenıettiń ozyq úl­gi­leri tizimin jınaqtaý jáne júıe­leý­diń belsendi túrde bastalyp ketkendigin atap ótti.
Irikteý nátıjesinde shyǵar­malardyń short-paraǵy jasalyp, onda óz kezeginde avtorlardyń mem­lekettik, qoǵamdyq jáne halyq­aralyq syılyqtary, halyqaralyq festıvaldarǵa jáne basqa da sheteldik baıqaýǵa qatysýy sııaqty  eleýli eńbegi eskeriledi.
Jumys tobynyń múshesi, Mem­le­kettik syılyqtyń laýre­aty, aqyn Nesipbek Aıtuly ju­mys­tyń der kezinde qolǵa alynyp otyr­ǵan­­dyǵyn tilge tıek etti. «Árıne, biz­ge osy tárizdi sarapshy toptar­dy qurý qajet.  shyǵarmalar to­lyqqandy irikteýden ótkennen keı­in aýdarma salasyndaǵy bilikti m­a­man­dardy tartý kerek. О́ıtkeni, av­­tor­larymyzdyń shyǵarmalaryn jo­ǵary deńgeıge  kóterý kerek eke­nin jaqsy túsinemiz.  Bizdiń  av­tor­­larymyz kúlli álemge tanylyp, baı mádenı muralarymyzdan meı­linshe kóp adam habardar bolýy úshin de osylaı isteýge tıistimiz», dedi Nesipbek Aıtuly.
Ǵ.Jubanova atyndaǵy Mem­le­kettik shekti aspaptar kvartetiniń kór­­­kemdik jetekshisi Ernar Myń­­taev «Jahandaǵy zamanaýı qa­zaqstandyq mádenıet» jobasyn júzege asyrýdyń talantty avtorlarǵa, kompozıtorlarǵa óz­de­riniń qarym-qabiletin shet elder­de ta­bysty kórsetýge erekshe múm­kin­dik beretindigine toqtaldy.
Shyǵarmalardy irikteý, saralaý úsh kezeńnen turatynyn aıta keteıik. Keń aýqymda talqylaýdan jáne arnaıy saraptamadan keıin jumystar tizimi jumys tobynyń keńeıtilgen otyrysynda qaralyp, odan soń Ulttyq komıssııanyń qaraýyna bekitý úshin jiberiledi.
 Jumys tobynyń aldyńǵy ótken otyrysynda shyǵarmalardy irik­teýdiń naqty ólshemderi bekitil­gen bolatyn. Birinshiden, shy­ǵarma Qazaqstannyń táýel­siz­digi jyldarynda jaryq kór­gen bolýy tıis. Ekinshiden,  qo­ǵam­da tanymaldylyqqa ıe  avtor­lar­ǵa basymdyq beriledi. Úshin­shi­den, shyǵarma (kitap, fılmo­gra­fııa, teatrlandyrylǵan qoı­ylym) qoǵamda belgili bolýy kerek. Tórtinshiden,  shy­ǵarmanyń jańashyldyǵy, biriz­di­ligi, ıntellektýaldyǵy, ob­raz­dylyǵy, halyqshyldyǵy es­ke­riledi. Besinshiden, shyǵarma jo­ǵary kásibı deńgeıde bolýy tı­is, mádenıet ólshemderine, ádebı talǵamǵa, sahnalyq máde­nı­et­ke saı bolǵany abzal. Al­tyn­shydan, shyǵarma zorlyq-zombylyqty, dinı arazdyqty, nashaqorlyqty nasıhattamaýy kerek. Jetinshiden, Qazaqstanda turatyn barlyq etnostar men mádenıettiń ulttyq úılesimin eskergeni jón.