Qonaqúıler qol jetimdi me?

Astanadaǵy EKSPO-2017 halyq­aralyq kórmesiniń alǵashqy bes kúninde pavılondardy 10 myńnan astam týrıst aralady. Sońǵy eki kúnindegi naqty sany – 5670 týrıst. Bul – bas qa­ladaǵy 180 qonaqúıden alynǵan má­limet. 
Qazirgi tańda elordada 197 qonaq­úı men 91 hostel jumys istep tur. So­ny­men qatar, kórme qonaqtaryn ornalas­tyratyn 18 jataqhana qarastyrylǵan. Olardyń táýliktik baǵasy eki myńnan bes myń teńgege deıin. Jataqhana oryn­daryn brondaý úshin 8 (717 2) 277-815 nemese 8 777 772 05 06 nómir­leri­ne habarlasýǵa bolady. Budan bólek, meımandarǵa elordanyń ár aý­dan­darynan 10 myń qolaıly páter da­ıyn­dalǵan.
EKSPO-2017 kórmesine kele­tin týrıster qymbat qonaqúı nómir­lerin bron­daýda. Meımandar tara­pynan «bes» nemese «tórt jul­dyzdy» qonaq­úılerge suranys jo­ǵary, al arzanyraq baǵadaǵy qo­naq­úı, hostel, jataqhanalarda oryn kóp. 
Elorda ákimdigi qonaqúı baǵalary sheteldikter úshin ǵana emes, eldiń ár óńirinen keletin qonaqtarǵa da qol­jetimdi dep sanaıdy. Baǵanyń tez qubylýyna jol bermeý maqsatynda jalǵa berýshilerdiń arnaıy qaýym­das­tyǵy qurylǵan jáne http://torlet.com platforma-saıty jumys isteıdi. Onda onlaın arqyly oryn tańdap, brondaýǵa bolady. 
Málimetter «Astana Konvensh Bıýro» JShS-nen alyndy

Ázirlegen 
Asan ÁMZEBEK