Meniń óz isime qushtarlyǵymdy árdaıym bilim tereńdetý, kıimderdi modeldeý boıynsha ártúrli onlaın oqýlardan ótý, álemdik brendterdi zertteý, olardyń tájirbıesin qoldaný arqyly shyńdaı tústim. Osydan keıin tek týystar emes, basqa da adamdardan tapsyrystar alyp bızneske alǵashqy qadamymdy bastym,-deıdi Áıgerim.
Balalyq shaǵynyń qushtarlyǵyn tabys ákeletin kásipke aınaldyrý maqsatynda Áıgerim «BankSentrKredıt» AQ arqyly qajet qural-jabdyqtar men jıhaz alý úshin nesıege ótinim berdi. Nesıeniń jalpy somasy 2,4 mln. teńgeni qurap, jyldyq paıyzdyq mólsheri 16,5%-dy qurasa, onyń 7%-yn memleket sýbsıdııalady. Al «Damý» qorynyń kepildigi 2,0 mln teńgeni nemese nesıeniń 85%-yn qurap otyr.
Osylaısha Atyraý qalasynda memlekettiń qoldaýy nátıjesinde jas kásipker bıznes ashý múmkindigine ıe boldy.
