«Uzaqmerzimdi ósim aıaq astynan paıda bolmaıdy. Jaýhar nemese munaı taýyp, isińiz órge basýy múmkin shyǵar, biraq uzaqmerzimdi tabys aıaq astynan paıda bolmaıdy. Ol – memlekettik saıasattyń jemisi, memlekettik organdardyń kásipkerlermen, jekemenshik sektormen birlesip atqarǵan jumysynyń nátıjesi. Bul jerde tórt sala bar. О́nimdilik pen ınnovasııanyń uzaqmerzimdi ósimine qol jetkizý úshin osy salalar asa mańyzdy dep sanaımyz.
Birinshiden, makroekonomıkalyq zertteý boıynsha, uzaqmerzimdi josparda qýatty qabiletsiz ósimge jetý múmkin emes. Onsyz ınflıasııany, daǵdarysty baqylaýǵa alyp, baǵanyń qubylýyna tótep bere almaısyz. Qazir biz osydan 50 jyl buryn baıyp ketýi tıis elderdiń jaǵdaıyn kórip otyrmyz. Olardyń makroekonomıkasyna qaraıtyn bolsaq, árbir 10 jyl saıyn makroekonomıkalyq daǵdarystardyń úsh kezeńin bastan ótkergenin kórýge bolady. Mundaı jaǵdaıda uzaqmerzimdi ósim turǵysynan eshteńege qol jetpeıtini anyq.
Ekinshiden, qýatty ınstıtýttar men zańnyń ústemdigi, memlekettik basqarýdyń sapasy, kóshbasshylyqtyń tıimdi júıesimen birlesip, jemqorlyqty baqylaýda ustaý uzaqmerzimdi ósim úshin asa mańyzdy.
Úshinshiden, bilimge quıylǵan ınvestısııa jáne adam kapıtaly ekeni aıdan anyq. О́nimdilikti jaqsartý dárejesi jáne tehnıkalyq ınnovasııalar kóp jaǵdaıda joǵary bilikti adam kapıtalynyń paıyzdyq kórsetkishine baılaýly bolady. Men bul jerde Latyn Amerıkasyn mysal etkim keledi. 200 jyldan beri táýelsiz, orta kiristi elde álemniń úzdik 400 ýnıversıtetiniń qataryna enetin birde-bir ýnıversıtet joq. Sońǵysy, tórtinshisi, resýrstardy tıimdi bólý men beıimdelýge, ony jaqsarýǵa, tıimdilikti arttyrýǵa, bilim men ınnovasııalardyń keń taralýyna umtylýdy qamtamasyz etetin básekege qabiletti naryq ashý máselesine basymdyq berilýi tıis. Al ósim kezeńderin sıpattaıtyn kitaptardaǵy málimetter bir-birimen qabyspaıdy. О́simge tek qana oqýmen ǵana emes, izdenýmen jáne bilim men bilikti tájirıbede qoldanýmen ǵana jetýge bolady», – dedi Búkilálemdik bank, makroekonomıka jáne bıýdjettik saıasat jónindegi jahandyq tájirıbe departamentiniń dırektory.
