Basqarma Tóraǵasynyń orynbasary Eldar Jumaǵazıev málimdegendeı, eńbek naryǵyn jyl saıyn 292 275 adam tolyqtyrady. Jyl saıyn eńbek naryǵyn tolyqtyratyn adamdardyń qataryndaǵy 21 myńy kolledj ben joǵary oqý ornyna túse almaǵan oqýshylar. Kásibı biliktiligi bolmaǵandyqtan eń ómengi eńbekaqy alady. Sonymen qatar, jyl saıyn 133 270 adam kolledjdi támamdap, jumys isteıdi. Olardyń 55,1% ǵana jumysqa ornalasady. Olardyń ortasha eńbekaqysy 103 091 teńge.
«Bıznes sektor tarapynan mektepterdi senimgerlikpen basqarý tájirıbesin qol alyp, bilim berý salasyndaǵy memlekettik jáne kvazımemlekettik sektordyń birqatar fýnksııasyn naryqtyq ortaǵa berý qajet. Biz bilim berý júıesiniń máselesi Bilim jáne ǵylym mınıstrliginiń kúrdeliliginen ǵana emes dep esepteımiz. Biz bıznes retinde Elbasynyń sanany transformasııalaýǵa shaqyrýyn basshylyqqa ala otyryp, adamı kapıtaldy damytý máselesine qatysýǵa jáne kómektesýge daıynmyz», – dedi Eldar Jumaǵazıev.
Mektepke deıingi bilim men orta jáne kásibı-tehnıkalyq bilim berý máselelerine toqtalǵan Basqarma Tóraǵasynyń orynbasary bilim berýdiń biryńǵaı ulttyq test, muǵalimderdiń biliktiligin arttyrý, zertteý júrgizý sekildi negizgi elementterin naryqtyq ortaǵa shyǵarýǵa bolatynyn aıtty.
«Oqýshylardyń kásipkerlik darynyn erte bastan ashý maqsatynda mektep baǵdarlamasyna «Kásipkerlik pen bıznestiń negizi» pánin egizý týraly bastama kóterildi. Bul bastamany Bilim jáne ǵylym mınıstrligi qoldady. Mınıstrlikpen birlese otyryp Ulttyq palata «Kásipkerlik pen bınestiń negizi» oqý baǵdarlamasyn jazdy. Bul 10-11 synyp oqýshylaryna aptasyna 2 ret ótkiziletin elektıvti pán 2018 jyldan bastalady. Baǵdarlamaǵa kásipkerlikke oqytýdyń álemdik jáne qazaqstandyq tájirıbesi engizilgen, baǵdarlama jobalyq oqytý qaǵıdasyna negizdelgen», – dep túsindirdi Eldar Jumaǵazıev.
Sezde Basqarma Tóraǵasynyń orynbasary Qazaqstanda bilim berý júıesine jylyna 1 trln 669 mlrd tege jumsalatynyn habarlady.
«EYDU elderinde bilim berý salasyna ortasha alǵanda memlekettik shyǵynnyń 12,1% bólinedi. Bizde memleketten bólinetin jyl saıynǵy soma bıýdjet shyǵynynyń 16,5% quraıdy. Alaıda qomaqty qarajat bólingenine qaramastan, negizgi element – muǵalimderdiń básekelik eńbekaqysy joq. 2016 jyly muǵalimderdiń ortasha eńbekaqysy 84 900 teńge, bul elimizdegi ortasha jalaqydan 2 ese az, al paıdaly qazbalar salasynan 7 ese tómen, qarjy sektorynan 2,5 ese kem. Bul kórsetkish EYDU elderiniń ortasha eńbekaqysynan 10 ese (!) tómen», – dep málimdedi Eldar Jumaǵazıev.
Sonymen qatar, 2016 jyly pılottyq rejımde júzege asyrylǵan «Bastaý Bıznes» jobasy Nátıjeli jumyspen qamtý jáne jappaı kásipkerlikti damytý memlekettik baǵdarlamasyna engizilip, 2017 jyldyń 1 qańtarynan bastap respýblıkalyq deńgeıde júzege asyrylýda.
«Bıyl 80 aýdanda 15 myń jumyssyz jáne ózin-ózi jumyspen qamtyǵan azamattardy oqytý úshin 1 mlrd 200 mln teńge bólindi. Aldymyzda naqty maqsat tur – 2017 jyldyń sońynda keminde 3000 jańa bıznes sýbektisin iske qosý», – dep habarlady Eldar Jumaǵazıev.
«Atameken» UKP Almaty, Aqtóbe, Qyzylorda, Mańǵystaý, Jambyl, Qostanaı oblystarynda shaǵyn nesıeleý boıynsha pılottyq jobany iske qosty. Pılottyq joba aıasynda 699 ótinimge 3 467 mln teńge shaǵyn nesıe bólingen. Bul joba Úkimetke tanystyrylyp, Nátıjeli jumyspen qamtý jáne jappaı kásipkerlikti damytý baǵdarlamasyna engizildi.
Sonymen qatar «Atameken» kásipkerlikpen aınalysatyn bos tetikterdi anyqtaý úshin úı sharýashylyqtaryna tekserý júrgizýge nıetti. Bul zertteý Qazaqstandaǵy jumyssyzdar sanyn naqtylaýǵa múmkindik beredi. Sebebi Eldar Jumaǵazıevtiń aıtýynsha, statıstıkada naqty kórsetkishter joq. Alynǵan málimetter memlekettik bilim berý tapsyrysyn qalyptastyrýǵa múmkindik bermek.
Basqarma Tóraǵasy orynbasarynyń aıtýynsha, eńbek naryǵynyń suranysyn anyqtaýdyń tıimdi júıesi qalyptaspaǵan. Kásiporyndarǵa qandaı mamandardyń qajet ekeni týraly naqty aqparat ta joq.
«Ulttyq kásipkerler palatasy QR Eńbek jáne áleýmettik qorǵaý mınıstrligine Halyqty jumyspen qamtý fýnksııasynyń belgili bir bóligin aýtsorsıngke berý týraly usynys joldady. Osyndaı shara Ortalyq jumysynyń jańa standarttaryn erýge jáne oryn alyp otyrǵan máseleni sheshýge múmkindik beredi. Usynys qabyldandy jáne kelesi jyldan bastap jeke menshik jumyspen qamtý agenttikterine jumysqa ornalastyrǵany úshin shyǵyn óteletin bolady. Jeke menshik kompanııalar bul jumysty atqarýǵa daıyn», – dep habarlady Basqarma Tóraǵasynyń orynbasary.
Bos jumys oryndary jarııalanatyn jeke menshik ınternet-portaldarda jumysqa ornalastyrýdyń qalyptasqan júıesi bar. Bul jumys berýshiniń de, jumys izdeýshini de qanaǵattandyrady.
