Oqý ortalyǵyndaǵy taǵlymy mol bir shara Danıl aqsaqalsyz ótpeıdi. Oqý ortalyǵynyń bastyǵy, polısııa podpolkovnıgi Talǵat Meńdibaev mereı jasyna oraı ardagerdiń ıyǵyna shapan jaýyp, dombyra syıǵa tarttty. Danıl Aıtmuhanuly sol jerde dombyramen «Dýdar-aı» ánin aıtyp jiberdi.
Ishki ister organy ardagerin quttyqtaýǵa zamandastary, jas tyńdaýshylar, oqytýshylar keldi. Oblystyq ishki ister departamenti ardagerler keńesiniń tóraǵasy Alekseı Labazov mereıtoı ıesin quttyqtap, onyń mılısııaǵa sińirgen eńbegin aıtty.
Danıl Nadyrbaevty 1944 jyly Qyzyl Armııa qataryna shaqyryp, órtten qorǵaý júıesi boıynsha NKVD áskerine jiberedi. Soǵys jyldary ol mına artylǵan poıyzdy órtten saqtap qalǵany úshin Stalınniń qoly qoıylǵan alǵys hat alady.
«Bizdi atqylaı bastady, aǵa kondýktordyń aıaǵyna oq tıdi, men onyń máıitin orap qoıdym, sol ýaqytta sońǵy vagon jana bastady. Poıyz quramyn toqtatýǵa bolmaıdy, qaýipsizdik úshin men janyp bara jatqan vagondy ajyratyp tastadym, al ol bos bolatyn» dep estelik aıtty soǵys ardageri. Ardager úshin keýdesindegi «Za Pobedý nad Germanıeı v Velıkoı otechestvennoı voıne» medali qymbat marapat bolyp esepteledi.
Danıl Nadyrbaev soǵystan keıin partııa, keńes qyzmetinde boldy. 1965 jyldan bastap, ishki ister organdarynyń kadr bóliminiń ınspektory bolyp keldi, azamattyq qorǵanys, taǵy basqa salalarynda abyroıly qyzmetter atqardy.
Názıra Járimbetova
«Egemen Qazaqstan»
QOSTANAI
