«Agrarlyq sektordy ártaraptandyrý boıynsha jumys qatar jasalýda. Biz qazir baqsha daqyldary men maıly daqyldar, sondaı-aq, kartop pen ónerkásiptik negizdegi kókónis ósirýdi ulǵaıtý boıynsha belsendi jumys jasaýdamyz», dedi oblys ákimi Q.Kósherbaev.
Ákimniń aıtýynsha aýyl sharýashylyǵy ónimderin óndirýdiń negizgi úlesi usaq sharýashylyqtarǵa tıesili bolǵandyqtan aýyl sharýashylyǵy kooperatıvterin qurý jumystary belsendi atqarylýda. Qazirgi tańda oblysta 64 aýyl sharýashylyǵy kooperatıvi quryldy. Olar 1325 jeke qosalqy sharýashylyqtardyń basyn biriktirip otyr.
Aıta ketý kerek, syrtqy naryqqa shyǵarylatyn eksporttyń negizgi ónim túrlerin kúrish pen balyq quraıdy. Tek sońǵy tórt jyldyń ishinde kúrish eksporty 28%-ǵa, al, balyq 8 eseden joǵary ósti. Buǵan qosa kúrish ótkizýde naryqty qaıta baǵyttaý boıynsha jumystar bastaldy, mysaly, Iranǵa.
«Jańa naryqqa kóshý barysynda kúrish sharýashylyǵy agroónerkásip kesheniniń negizgi eksporttyq salasy bolyp sanalady. AО́K salasynda kúrishtiń eksportta alar orny 44 %-dy quraıtyn bolady», dep atap ótti ákim.
Aýyl sharýashylyǵy óndirisi salasyndaǵy básekelestik artyqshylyqtaryn baǵalaý úshin, keshendi marketıngtik zertteýler júrgizildi. Budan soń, oblystyń áleýetin eskere otyryp, 2020 jylǵa deıingi agroónerkásip keshenin damytýdyń «Agrokartasy» jasaldy, óndiristik qýattardy engizýdiń 2017-2020 jyldarǵa arnalǵan jospary bekitildi. «Agrokartada» belgilengen sharalardy júzege asyrý nátıjesinde 2020 jylǵa qaraı aýyl sharýashylyǵy ónimderiniń jalpy kóleminiń ósimi 2,4 esege nemese 213 mlrd. teńgege artatyn bolady, bul rette 2020 jylǵa qaraı eksport kólemin 5 eseden joǵary arttyrýdyń áleýetti múmkindigi bar.
