«Qurylysty bastaý budan erterek josparlanǵan bolatyn, alaıda, joba bastamashysy tarapynan zaýyttyń ónimdilik qýatyn ulǵaıtý týraly sheshim qabyldanyp, jobaǵa tıisti túzetýler engizilýde. Qarjy kóleminiń az ǵana ulǵaıýy nátıjesinde (81 mlrd-tan 87 mlrd-qa deıin nemese 7,4%) jobanyń jyldyq ónimdilik qýaty 200 myń tonnadan 300 myń tonnaǵa nemese 50%-ǵa kóbeıýde», dedi oblys ákimi Qyrymbek Kósherbaev búgin oblystyq máslıhattyń HIV sessııasynda.
Ákimniń aıtýynsha Úkimet atalǵan jobany maquldap, jańa zaýyttyń ınfraqurylymyn júrgizý úshin 2018 jyly respýblıkalyq bıýdjetten 3,5 mlrd. teńge bólinetin boldy.
Aıta ketý kerek, bul zamanaýı, ári elimizdiń barlyq qajettiliginiń 75%-yn qamtamasyz etetin respýblıkadaǵy birden-bir kalsıılendirilgen soda óndiretin zaýyt bolmaq. Búgingi tańda, kalsıılendirilgen soda naryǵyn 100% ımporttyq ónimder quraıdy.
