Polshanyń Ekonomıkany damytý vıse-mınıstri Iаdevıka Emılovıch Qazaqstannyń damýy qarqynyn joǵary baǵalap, áriptestiktiń eki elge de tıimdi ekenine toqtaldy.
«Qazaqstan naryǵy ‒ biz úshin óte úlken ári qyzyqty. Polıaktardyń qazaq jerine burynnan kelgenin tarıhtan bilemiz. Alaıda qazirgi tańda Qazaqstan ‒ tarıhı ǵana emes, bolashaqtyń mekeni. Sondyqtan, biz ózimizdiń kásipkerlerdi ónimderin Qazaqstanǵa ákelip qoımaı, osynda ınvestısııa quıýǵa shaqyramyz», ‒ deıdi Iаdevıka Emılovıch.
Eldegi ınvestorlar ahýalyn baqylaý úshin kelgen delegasııa quramynda ekonomıka damý vıse-mınıstrinen bólek, túrli salanyń úzdikteri de bar. Máselen, temir jol salasynyń úzdigi atanǵan PESA kompanııasynyń ókili de osy joly Astanaǵa at basyn burypty. Iаdevıka Emılovıch munyń óz sebebi bar ekenin aıtady. Polsha keleshekte jańa «Jibek jolynyń» negizgi bir tarmaǵy bolýdy kózdeıdi. Osy oraıda, PESA-nyń qosar úlesi mol.
«Polshadan kelgen delegasııaǵa ınvestorlarǵa jasalǵan jaǵdaılar men jeńiltikter týraly tanystyryp jatyrmyz. Máselen, jer berý, ınfoqurylym máselesi týraly aıtyp, salyqtan bosatylatyn túsindirdik. Alaıda mundaı jeńildikke ıe bolý úshin olar Astana qalasynyń ákimdigine ne «Astana Invest» kompanııasyna habarlasýy tıis», ‒ deıdi «Astana Invest» ulttyq kompanııasynyń ınvestorlarǵa qyzmet kórsetý ortalyǵynyń dırektory Abaı Qojamjarov.
Jeńildik alýǵa múddeli ınvestordyń usynysy qanaǵattandyrylsa, ony Astanadaǵy arnaıy ekonomıkalyq aımaqqa múshelikke qabyldanady. Sondaı-aq, ınvestorlardyń ónimin syrtqa eksporttaý máselesi de qaralǵan. Abaı Qojamjarovtyń aıtýynsha, Astana qalasy boıynsha 60-qa jýyq joba usynýǵa daıyn tur. Alda-jalda polshalyq delegasııanyń kóńilinen shyqsa, eki jaqty kelisimge de qol qoıylýy yqtımal.
Delegasııanyń málimetine súıensek, Polsha tarapy hımııalyq ónim shyǵarý, jıhaz jasaý sekildi ózderiniń oń jambasyna keletin salalarǵa den qoıýdy josparlap otyr. Iаdevıka Emılovıchtiń aıtýynsha, polshalyq ónimderdiń sapasy joǵary, baǵasy da eki tarapqa qolaıly eken.
«Delegasııa Qazaqstannyń usynysyna qatty qyzyǵyp otyr. Tipti, muny biz de kútkenimiz joq. Máselen, «Selena» men «Polfarma» kompanııalary Qazaqstanda sátti jumys istep jatyr», ‒ deıdi Polshanyń Ekonomıkany damytý vıse-mınıstri.
«Selena Group» óndirisimen tanysqan delegattar ınvestorǵa jasalǵan jaǵdaıdy joǵary baǵalady. Jalpy bul kompanııaǵa ınvestısııa quıý jumysy 2013 jyly bastalǵan-dy. Joba qurylysy 2014 jyly bastalyp, oǵan 6 mıllıon AQSh dollary salynǵan edi. Byltyrdan beri zaýyt hımııalyq qurylys qospalaryn shyǵaryp keledi. Jobanyń óndiris qýaty orasan. Máselen, zaýyt jylyna 120 myń tonna qurǵaq qurylys qospasyn jáne 10 myń tonna dıspersııalyq qosyndy óndirýge qabiletti. Joba iske qosylǵaly beri jańa 70 jumys orny ashyldy. «Selena Group»-tyń qýaty Qazaqstandaǵy qurylys naryǵynyń 20 paıyzyn qospamen qamtamasyz etýge jetkilikti. Sonymen qatar, elimizdiń 8 qalasynda jetkizý júıesi ashylǵan.
Abaı Asankeldiuly,
«Egemen Qazaqstan»
