«Bavarııa» Hames Rodrıgesti jalǵa aldy
Bavarııa Kolýmbııa ulttyq quramasy men madrıdtik «Realdyń» jartylaı qorǵaýshysy Hames Rodrıgesti keıingi satyp alý quqymen 2 jylǵa jalǵa aldy. Ol Mıýnhende medısınalyq tekserýden ótkennen keıin nemis fýtbol klýbymen kelisimge qol qoıady.
2014 jylǵy Álem chempıonatynda alty gol soǵyp, úzdik bombardır atanǵan kolýmbııalyqty «koroldik klýb» satyp alǵan bolatyn. Sońǵy úsh jylda «Real» sapynda eki ret Chempıondar lıgasynda jeńimpaz atandy. Ispanııa chempıonaty men Fýtbol klýbtary arasyndaǵy álem chempıonatynda jeńiske jetti. Jalpy, Hames Rodrıges «Real» sapynda 111 match ótkizip, 36 gol soqty, 41 nátıjeli pastyń avtory atandy.
Pepe Túrkııaǵa aýysty
Ystambuldyń «Beshıktash» fýtbol komandasy Portýgalııa quramasynyń qorǵaýshysy Pepemen (Képler Laverán Lı́ma Ferréıra) kelisimge kelgenin málim etti.
4 shilde kúni Ystambulǵa ushyp kelgen fýtbolshyny bir top jankúıerler kútip aldy.
Kelisimniń merzimi men portýgalııalyqtyń tabysy jóninde ázirge aıtylǵan joq. Budan buryn, fýtbolshynyń túrkııalyq klýbtan eki jyl úshin 10 mln eýro suraǵany týraly aqparat taraǵan bolatyn.
Aıta keteıik, Madrıdtiń «Realymen» portýgalııalyq qorǵaýshy arasyndaǵy kelisim merzimi 2016/17 maýsymnan keıin aıaqtaldy. Osylaısha, fýtbolshy túrikterge tegin keldi.
Ýeın Rýnı «Evertonǵa» oraldy
Lıverpýldiń «Everton» fýtbol klýby 31 jastaǵy «Manchester Iýnaıted» shabýylshysy Ýeın Rýnımen kelisim jasasqanyn málim etti.
Fýtbolshy men klýb arasyndaǵy kelisim 2 jylǵa belgilengen.
Rýnı «Evertonnyń» jastar komandasynda 1995-ten 2002 jylǵa deıin oınady. 2002-2004 jyldar arasynda negizgi quramda óner kórsetti. Sodan qazirgi ýaqytqa deıin «Manchester Iýnaıtedtiń» namysyn qorǵady.
О́tken maýsymda Rýnı MIý sapynda 39 match ótkizip, 8 gol soqty, 10 nátıjeli pas shyǵaryp berdi. Onyń transferlik quny shamamen 15 mln eýroǵa baǵalanyp otyr.
Danı Alves fransýzdyń PSJ komandasyna aýysty
Brazılııa quramasynyń qorǵaýshysy Danı Alves jaqynda Italııanyń «Iýventýsymen» kelisimin úzgen bolatyn. Burynǵy bapkeri Hosep Gvardıolanyń shaqyrýymen «Manchester Sıtıge» ótedi degen sybys taraǵanymen, fýtbolshy Parıjdiń PSJ komandasyn tańdady.
«Manchester Sıtı» 34 jastaǵy fýtbolshyǵa eki jylǵa kelisim-shart usynǵan bolatyn. Alaıda, PSJ oǵan aptasyna 260 myń eýro jalaqy tóleýge ýáde berdi. Nátıjesinde brazılııalyq PSJ men 2 jylǵa kelisimge otyrdy.
«Iýventýs» Dýglas Kostany jalǵa aldy
Týrınniń «Iýventýsy» Brazılııa quramasy men mıýnhendik «Bavarııanyń» fýtbolshysy Dýglas Kostany keıingi satyp alý quqymen 1 jylǵa jalǵa aldy.
Jaldaý merzimi aıaqtalǵan soń, ıtalııalyqtar fýtbolshyny 40 mln eýroǵa satyp ala alady.
Dýglas Kosta 2015 jyly Ýkraınanyń «Shahtıorynan» «Bavarııaǵa» aýysqan bolatyn. Eki maýsymda ol nemister sapsynda 50 match ótkizip, 8 gol soqty.
