Baqytjan Saǵyntaev kásiporyndy jobalyq qýattylyǵyna shyǵarý boıynsha jumys kestesimen tanysty. «Kaz Minerals PLC» basqarma tóraǵasy O. Novachýk 2017 jyly jobalyq qýattylyǵyna shyqqannan keıin Bozshakól TBK-da jyl saıyn katodty ekvıvalentte 100 myń tonna mys óndiriletinin baıandady.
Jobany iske asyrý aıasynda 1500 jumys orny quryldy. Josparlanǵan jumys oryndarynyń kólemi bolǵan jaǵdaıda ónimdilik Qazaqstandaǵy jumys istep turǵan mys óndiretin kásiporyndarǵa qaraǵanda 15 ese joǵary. О́ndiriste ozyq jabdyqtar men tehnologııalar paıdalanyldy, bul saladaǵy halyqaralyq standarttarǵa sáıkes avtomattandyrý men sıfrlandyrýdyń joǵary deńgeıine jetýge múmkindik berdi.
Jobany keńeıtý Memleket basshysynyń «Qazaqstannyń úshinshi jańǵyrýy: jahandyq básekege qabilettilik» Joldaýyndaǵy tehnologııalyq jańǵyrtý, jańa tehnologııalar transferi jáne básekege qabilettiliktiń ósýi arqyly eńbek ónimdiligin arttyrý boıynsha mindetterine saı keledi.
