Sonymen qosa, Qostanaı oblysynyń TJD uıymdar teńgerimderine tehnıkalyq jaramdy jáne órtke qarsy jınaqtalǵan quraldary bar 6 órt avtokóligi tabystaldy. Aǵymdaǵy jyldyń 6 aıynda qurylǵan órt beketteri memlekettik órtke qarsy qyzmetterin qatystyrmaı-aq 132 gektar alqapta tutanǵan 42 dala órtin sóndirdi.
Endi bıyl jergilikti atqarýshy organdarmen birlese órt qaýipti maýsymynda oblys boıynsha 13-shi órt beketi Qostanaı aýdany aýmaǵynda ashyldy.
Bekettiń saltanatty ashylýynda Qostanaı oblysynyń Tótenshe jaǵdaılar departamentiniń bastyǵy, azamattyq qorǵaý polkovnıgi Talǵat Kákimov jáne aýdan, selolyq okrýg, jergilikti sharýashylyq basshylary, tıisti mamandar qatysty.
Talǵat Bazarbaıuly oblysta árbir ashylyp jatqan jańa órt depolary tabıǵat apatyna qarsy jańa kúsh qosatynyn, turǵyndardyń qaýipsizdik deńgeıin kóteretinin aıtty.
Qostanaı aýdanynyń Polovnıkov selosynda ashylyp jatqan órt beketi jaqyn mańaıdaǵy Polovnıkov, Glazýnov, Jaqsylyq selolaryn, sondaı-aq, jalpy 1876 astam turǵyny bar eldi mekederdi jáne orman dala aýmaqtaryn qosymsha órtten qorǵaıtyn bolady.
Názıra Járimbet,
«Egemen Qazaqstan»
QOSTANAI
