«Prokýratýra qyzmetkeri J.Álibaev jáne Selınograd aýdany ishki ister bóliminiń tergeýshisi A.Pshembaev jaraqat aldy. Qarýly shabýyl qylmystyq is boıynsha sottalýshy О́.Jampozovtyń tarapynan jasalǵany anyqtaldy. Is boıynsha О́.Jampozov QR AShM «Kazvodhoz» RMM ShJQ dırektory bola tura, basqa laýazymdy tulǵalarmen jáne merdigerlermen aldyn ala sóz baılasý arqyly ózine senip tapsyrylǵan Preobrajenskoe sý qubyryn jóndeý úshin bólingen 620 mln teńge qarajatyn talan-tarajǵa salǵan. Jampozovqa qatysty kepil túrindegi bultartpaý sharasy qoldanylǵan.
О́zine qarýly shabýyl jasalynǵan prokýratýra qyzmetkeri, atalǵan qylmystyq is boıynsha memlekettik aıyptaýdy qoldaǵan. Is boıynsha talqylaý ashyq bolǵan. 2017 jyldyń 18 shildesinde sot jaryssózderi barysynda memlekettik aıyptaý-shy Jampozovty kináli dep tanýdy jáne oǵan «Raqymshylyq jasaý týraly» Zańnyń erejesin qoldana otyryp, 5 jylǵa bas bostandyǵynan aıyrýdy suraǵan. Úkimniń jarııalanýy 2017 jyldyń 20 shildesi saǵat 16-00-ge taǵaıyndalǵan. Qarýly shabýyl sot úkiminiń jarııalanýyna deıin jasalǵan. Qarýly shabýyl jasaǵannan keıin Jampozov qylmys ornynan jasyrynǵan. Osydan keıin onyń avtokóligi ALJIR qýǵyn-súrgin qurbandary memorıaldy kesheniniń aýmaǵynan tabyldy. Sol jerde Jampozovtyń máıiti anyqtaldy. Aldyn ala boljam boıynsha ol óz-ózine qol jumsaǵan. Jaraqat alǵan qyzmetkerler aýrýhanaǵa jatqyzyldy. Istiń tergelýin qadaǵalaý Astana qalasy prokýratýrasyna tapsyryldy», delingen baspasóz habarlamasynda.
Osy oqıǵaǵa baılanysty elimizdiń Bas prokýratýrasy 21 shildede aqparat taratyp, atalǵan iske qatysty barlyq amaldar jan-jaqty jáne obektıvti túrde júrgiziletinin málimdedi.
Bas prokýratýranyń baspasóz qyzmetiniń habarlaýynsha, qazirgi tańda О́.Jampozovty bıýdjet qarajatyn talan-tarajǵa saldy dep aıyptalyp otyrǵan qylmystyq iske qatysty prokýrordyń ustanymy qanshalyqty negizdi ekenin anyqtaý úshin qyzmettik tekseris júrip jatyr. Sonymen qatar, ózin-ózi óltirýge deıin jetkizý boıynsha Selınograd AIIB is qozǵady. Al sotqa deıingi aldyn ala tergeý áreketteriniń zańdylyǵyn qadaǵalaý Astana qalasynyń prokýratýrasyna júkteldi.
«Egemen-aqparat»
