Spıkerdiń sózinshe, esepti kezeńniń qorytyndylary boıynsha Qazaqstan aýmaǵynda jalpy quny 64,5 mlrd teńgeniń júk tehnıkasy men avtobýs tehnıkasyn qosa alǵanda 8 768 avtokólik shyǵarylǵan.
«О́nim kóleminiń zattaı kórinisi ótken jyldyń kórsetkishinen 3,6 ese asyp tústi. Jeńil avtokólikter óndirisi 7 779 birlikke jetip, 5,3 ese ulǵaıdy. Avtobýs tehnıkasyn shyǵarý 2017 jyldyń qańtar-maýsymy aılary qorytyndylary boıynsha ótken jylǵy kórsetkishten 4,4 ese ulǵaıdy. Júk avtokólikteri óndirisi 32,1 paıyzǵa qysqardy», dedi Oleg Al-
fıorov.
Sondaı-aq, spıker 2017 jyldyń maýsym aıynyń nátıjeleri boıynsha avtokólikter shyǵarý 1818 birlikti quraǵanyn, ol 2016 jylmen salystyrǵanda 2,5 ese óskenin tilge tıek etti.
«Otandyq avtozaýyttardyń ónimi jyldyń basynan beri 7748 birlikti qurady, bul ótken jyldyń kórsetkishinen 57,5 paıyzǵa joǵary. Qazavtoónerkásip kásiporyndarynyń naryqtyq úlesi ótken jylmen salystyrǵanda 21,8 paıyzdan 37 paıyzǵa jetti. Bul rette maýsymda bul kórsetkish tarıhı maksımýmdy jańartyp, 46,9 paıyzdy qurady», dedi spıker.
«KazAvtoProm» qazaqstan-
dyq atomobıl kásiporyndary odaǵy» ZTB basqarma tóraǵasy eseptik kezeńniń qorytyndylary boıynsha 831 avtokólik Qytaıǵa, Reseıge, Belorýssııaǵa jáne Tájikstanǵa eksportqa jóneltilgenin jetkizdi. Sonymen qatar, ol eksporttyq jetkizilimderdiń kóshbasshysy Lada brendi bolyp turǵanyn aıtyp ótti.
«Oǵan 696 sheteldik satyp alýshy yqylas bildirdi. Qazaqstandyq avtoeksport qurylymyndaǵy Hyundai jáne JAC markilerine de qyzyǵýshylyq joǵary», dedi spıker.
Raýan QAIDAR,
«Egemen Qazaqstan»
