1414 Biryńǵaı baılanys ortalyǵy 680 memlekettik qyzmet túri boıynsha anyqtamalyq qyzmet jasaıdy. Sonymen qatar, operatorlar mindetti medısınalyq saqtandyrý boıynsha aqparat bere alady. Búgingi kúnde ortalyqta 127 operator qyzmet jasaıdy. Onyń ishinde múmkindigi shekteýli jandar da bar. Olardyń jumys isteýine barlyq jaǵdaı jasalǵan. Jumys kúnderi baılanys ortalyǵynyń operatory 15 myń qońyraý qabyldaıdy.
Biryńǵaı baılanys ortalyǵy bastapqyda qarapaıym baılanys ortalyǵy bolǵan. Al qazirgi ýaqytta azamattarmen qarym-qatynas ornatýdyń qosymsha arnalary bar. Endi memlekettik qyzmetterge qatysty suraqtar boıynsha azamattar 1414.kz saıty, elektrondyq poshta jáne vırtýaldy onlaın-kómekshiler arqyly habarlasa alady.
Elimizdiń kez kelgen jerinen jáne kez kelgen telefonnan táýlik boıy jumys isteıtin 1414 nómirine habarlasý arqyly memlekettik qyzmetter boıynsha konsýltasııa alýǵa bolady. Habarlasý tegin.
«Egemen-aqparat»
