Tarıhtan biletinimizdeı, 1626-1723 jyldary ómir súrgen ısi qazaqqa qadirmendi qart baba Táýke hannyń keńesshisi bolǵan. Ortalyq meshitti «Bılerdiń bıi» atanǵan oqymysty ǵulama Ánet baba esimimen ataý sharasyna oblysymyzdan bólek, Astana, Almaty, Semeı óńirlerinen 40-qa jýyq qonaq keldi. Aralarynda babanyń 10-ynshy, 11-inshi urpaqtary da bar. Ardager jýrnalıst Moldabek Janbolatuly Ánet baba jóninde kitap jazyp, tipti jerlengen zıratyna birneshe márte baryp, Túrkistanda talaı tarıhı derekterdi aqtarǵan.
Táýelsizdik qolǵa tıgennen keıin árkim óz ata-babasyn, jalpy qazaqtyń tarıhyn zertteı bastady. Babamyz Shymkenttegi Qoshqar ata ózeniniń boıynda qaıtys bolǵan. Alaıda, ol kisiniń ish-qurylysyn sol jerge jerlep, súıegin Áziret sultanǵa ákelgen eken» deıdi ardager jýrnalıst Moldabek Janbolatuly.
Oblystyq meshitke Ánet baba esimin berý – tikeleı ulttyq qodtyń saqtalýy men rýhanı jańǵyrýmen úndestiredi. Saltanatty sharadan soń elimizdiń túkpir-túkpirinen kelgen Ánet babanyń urpaqtary jamaǵatqa úlken as berip, quran baǵyshtady. Buǵan deıin de 2007 jyly Almaty qalasynyń bir kóshesine Ánet babanyń esimi berilgen bolatyn.
– Bul qadam – máni men maǵynasy bólek jańalyq. Ánet baba – tarıhı tulǵa. Qazaqtyń qatparly tarıhy men mádenıeti jáne etnografııasyna aıtarlyqtaı úlesin qosqan jan. Oblystyń aqsaqaldary men belsendi zııaly qaýymy aqyldasa kele, bir aýyzdan Ánet Babanyń esimin tańdady, – dedi oblystyq meshittiń bas ımamy О́mirzaq qajy Bekqoja.
Babanyń ulaǵatty urpaqtarynyń uly isterine oblys ákiminiń orynbasary Jandos Ábishev te izgi iltıpatyn jetkizdi. Ánet babaǵa arnalǵan asty Qoılybaı Asanov, Rýslan Nurbaı, Tilegen Ádilov syndy aqyn azamattar júrgizip otyrdy. Shara sońynda dinı saýattylyqty arttyrýǵa negizdelgen kitaptyń tusaýkeseri ótti.
Mıras ASAN,
«Egemen Qazaqstan»
Qaraǵandy oblysy
