Ulttyq rýhymyzdy saqtaı otyryp, jahandyq álemge erkin kirip, álemniń eń ozyq tájirıbelerin qabyldaı bilip, jańa tehnologııany qoldana biletin mamandar daıyndaýdamyz. Qajettilikten týyndaıtyn latyn álipbıine kóshý jumysy da bizge jat emes. Zaman synaǵyna laıyqty bolý úshin qajetti qaǵıdanyń biri. Bolashaqtyń negizi bilim ordalarynan bastaý almaq.
«Jańa gýmanıtarlyq bilim» jobasy qolǵa alynyp, álemniń ártúrli tilderinen 100 oqýlyq qazaq tiline aýdarylmaqshy, bunyń nátıjesinde jańa sapalyq deńgeıde bilim beriledi. Elbasy sóz etken «Týǵan jer» baǵdarlamasy – jastardy patrıotızmge tárbıeleýdiń negizgi ózegi. Maqalada ishki, syrtqy mádenı týrızmge kóńil bólinip, jahandyq aýqymdy qundylyqtardyń tárbıelik róli, qazaqstandyq zamanaýı mádenıetti qalyptastyrý joly kórsetilgen, nátıjesinde myń jyldyq tarıhymyzda tól mádenıetimiz tuńǵysh ret álemniń barlyq qurlyqtaryna jol tartyp, basqa tilderde sóıleıtin bolady, jastar sanasyna osyny uǵyndyra bilýimiz kerek. Osy ózge tilde sóıleıtin tól mádenıetimizdiń aýdarmasynda óz ulttyq kodymyzdy saqtaı bilý basty shart bolýǵa tıis.
Aldymen jas urpaqqa ulttyq kodtyń mán-maǵynasyn onyń atqarar mindetin qazaq halqymen sabaqtastyǵyn jastar sanasyna uǵyndyra bilýimiz kerek.Júreginde patrıottyq sezimin oıatyp urpaqtan-urpaqqa jalǵasyp mıras bolyp, qanymyzǵa sińgen babadan qalǵan izgi qasıetterdi qaıta túletýimiz úshin jas urpaqpen qoıan-qoltyq qatar sińise júrip onyń zaman talabyna saı suranysyna laıyq álem jastarynan oı-órisiniń esh kem emestigin kórsete bilip, ony únemi ulttyq jáne jeke baılyǵyn naqty bilip, ony únemi paıdalanyp, soǵan sáıkes bolashaǵyn josparlaı alýdy, ysyrapshyl, astamshyl, dańǵoı bolýdan boıyn aýlaq ustaýdyń joldaryn úıretýge tıispiz.
«Qazaqstandaǵy 100 jańa esim» jobasy jastarǵa úlgi bolarlyq, táýelsizdik jyldarynda tabysty eńbek etken naqty adamdardyń taǵdyrlary men ómirbaıandaryn usynady, olar televızııalyq derekti týyndylardyń keıipkerlerine aınalady. Ultymyzdyń altyn qoryna enetin tulǵalar tańdalady. Jańa jahandyq úrdiste zamanǵa sáıkes jańǵyrý – búgingi kún talaby. О́mir súrý úshin ózgere bilý kerektigin jastarǵa túsindirý – bizdiń basty mindetimiz.
Maqaladaǵy árbir baǵytty basshylyqqa ala otyryp, jańa turpatty jańǵyrýdyń eń basty sharty halqymyzdyń ǵasyrlar boıǵy jıǵan tek qazaqqa ǵana tán ulttyq ózgeshiligimizdi saqtaı otyryp, zamana synynan ótken ozyq dástúrlerdi jańǵyrýdyń tabysty mańyzdy alǵy sharttaryna aınaldyra bilýimiz qajet. Jańǵyrý sonymen qatar ótkendi tolyqtaı umytý emes, qaıta eski men jańanyń dáýir talabyna saı sabaqtastyǵyn jalǵastyratyn ult jadynyń tuǵyrnamasy ekenin óskeleń urpaqqa jetkize túsindirý bizdiń aldymyzdaǵy basty maqsat bolýǵa tıis.
Lázzat MÁDENOVA,
M.О́temisuly atyndaǵy Batys Qazaqstan memlekettik ýnıversıtetiniń aǵa oqytýshysy
ORAL
