– Bizdiń halqymyzda «Otan – otbasynan bastalady» degen sóz bar. Osy danalyq sózdiń aıasyna bárin syıǵyzýǵa bolady. Sebebi, otbasynda ulaǵatty tárbıe alǵan balanyń bolashaǵy – zor, armany – asqaq, maqsaty aıqyn bolmaq. Elbasymyz óz tilin, tarıhyn mádenıeti men dástúrin qadirleıtin ult qana tolyqqandy bolyp tabylady. Bizdiń qoǵamda dástúrdi saqtaýdyń mańyzdy ınstıtýty otbasy dep, erekshe atap kórsetti. Ata-ananyń ónegeli isinen úlgi alǵan baladan kúni erteń otanshyl azamat shyqpaq, – dedi aımaq basshysynyń orynbasary.
Bul jolǵy saıysta qazylar alqasy úzdik otbasy múshelerin jyldaǵydaı shyǵarmashylyq qabiletine qaraı emes, óńirge sińgen eńbegine qaraı anyqtady.
Qazylardyń qorytyndysy boıynsha qos otbasy jeńimpaz atandy.
Eki birinshi orynnyń bireýin Qarqaraly aýdanynan Kabýlovtar otbasy ıelendi. Maǵdat Kabýlov pen Fatıma Fahreddınova 11 bala, 24 nemere, 2 shóbere tárbıelep otyr. Erli-zaıyptylardyń otbasylyq ótili – 58 jyl.
Uly Otan soǵysynyń ardageri, Temirtaý qalasynan kelgen Kýrılenkolar otbasy da komıssııa sheshimi boıynsha birinshi orynǵa laıyq dep tanyldy. 65 jyl otasqan otbasy 5 bala, 10 nemere, 7 shóbere tárbıeleýde.
Jeńimpaz atanǵan – Kabýlovtar men Kýrılenkolar otbasylary «Jartas» shıpajaıyna joldama aldy. Endi olar «Mereıli otbasy» ulttyq baıqaýynyń respýblıkalyq kezeńine qatysatyn bolady.
Mıras ASAN,
«Egemen Qazaqstan»
Qaraǵandy oblysy
